Marco Carnesecchi është objektivi kryesor i Juventusit për portën në merkaton e verës së ardhshme, por një transferim i tillë do të kushtëzohet nga kualifikimi i bardhezinjve në Ligën e Kampionëve dhe kostoja e lartë e operacionit.
None found
Sipas “Tuttosport”, të cituar nga “Calciomercato”, klubi torinez e ka vëzhguar prej një kohe të gjatë portierin 26-vjeçar të Atalantas. Cristiano Giuntoli nuk do ta përjashtonte mundësinë e një oferte rreth 50 milionë euro gjatë kësaj vere, ndonëse asnjë skuadër nuk ishte e gatshme të shpenzonte një shumë të tillë.
Situata e krijuar me Kamil Grabarën, i cili ka pësuar këputje të ligamentit të kryqëzuar (ACL), e ka detyruar drejtorin sportiv Frederic Massara të kërkojë alternativa në tregun e portierëve pa kontratë. Megjithatë, plani i Juventusit është që në korrik të bëjë një investim më të madh për këtë pozicion.
Gjatë merkatos së fundit, Juventusi u përpoq të gjente një portier të sigurt, por fondet në dispozicion ishin të kufizuara. Kërkesat e Aston Villas për Emiliano Martinezin u konsideruan të papërballueshme, ndaj fillimisht u zgjodh Guglielmo Vicario, i huazuar nga Tottenhami me opsion blerjeje prej 8 milionë eurosh, dhe më pas Kamil Grabara.
Të dyja afrimet u panë si zgjidhje të përkohshme. Ndërkohë, kontrata e Carnesecchit me Atalantan është e vlefshme deri në verën e vitit 2028 dhe negociatat për rinovimin e saj nuk kanë shënuar deri tani ndonjë përparim të rëndësishëm. Kjo mund t’i nxisë klubet e interesuara të tentojnë një marrëveshje me një çmim më të ulët me familjen Percassi, që drejton Atalantan.
Juventusi nuk është i vetmi klub që po e ndjek me vëmendje të ardhmen e portierit italian. Interi, skuadër që Carnesecchi e ka mbështetur që nga fëmijëria, do të analizojë paraqitjet e Josep Martinez dhe Ivan Provedel gjatë këtij sezoni përpara se të vendosë.
Gjithashtu, në garën për shërbimet e portierit të Atalantas mund të hyjnë edhe klube të Ligës Premier, të cilat e kanë monitoruar po ashtu situatën e tij.
Kryeministrja italiane, Giorgia Meloni, ka njoftuar një paketë masash të reja për shkollat, që pritet t’i paraqitet së shpejti Këshillit…
“Disa politikanë perëndimorë po kërkojnë një konflikt mes NATO-s dhe Rusisë, pas një strategjie “të dështuar” për ta mposhtur Moskën…
Kolagjeni është një proteinë e rëndësishme që i jep lëkurës strukturë dhe elasticitet. Me kalimin e moshës, prodhimi i tij…
Një person është ndaluar nga policia greke mbrëmjen e së premtes në pikën e kalimit kufitar Kakavijë. [...] Read More...…
Mesditën e sotme, një zjarr i përmasave të konsiderueshme ka rënë në varrezat e fshatit Babicë. Për shkak të erës…
Lëvizja ZNAM pretendon të marrë edhe një post zëvendësministër në Qeveri, beri të ditur kreu i kësaj partie, Maksim Dimitrievski.…