Juventusi po bën kalkulime, të premten Bordi mund të “vendos” të ardhmen e Allegrit

 Bordi drejtues i Juventusit do të mblidhet të premten e 23 shtatorit, ku do të miratohet bilanci  për sezonin 2021/22.

Humbja për vitin duhet të jetë rreth 250 milione euro. Raporti gjashtëmujor, i miratuar më 24 shkurt të kaluar, raportoi një humbje prej 132 milionë eurosh.

Raporti në lidhje me gjysmën e parë të 2021/22 kishte hipotezuar “një përmirësim të ndjeshëm” në performancën e Grupit, duke filluar nga viti financiar 2022/2023. Buxheti 2020/21 u mbyll me një humbje prej 209.9 milionë euro, ai i mëparshmi 89.7.

Por bordi i Juventusit këtë vit përkon me një periudhë veçanërisht të vështirë për skuadrën, e cila po ngec në kampionat dhe veçanërisht në Ligën e Kampionëve, ku rrezikon seriozisht të mos kualifikohet në 1/16, me një ndikim të rëndë në arkat e kompanisë.

Dhe, përtej llogarive ekonomike, kriza aktuale sportive do të jetë ndoshta tema më e rëndësishme e takimit, gjatë së cilës do të jetë e pamundur të mos përmendet pozicioni i zotit Allegri dhe pozicioni i tij në stol në të ardhmen e parashikueshme./albeu.com