Jude Bellingham dhe Zidane i rekomandojnë Real Madridit transferimin e yllit anglez

Jude Bellingham dhe Zinedine Zidane raportohet se i kanë rekomanduar të njëjtin lojtar Real Madridit para hapjes së afatit kalimtar veror.

Verën e kaluar, Bellingham refuzoi ekipe si Liverpooli, Manchester City dhe Chelsea që t’i bashkohet Real Madridit nga Borussia Dortmundi.

Që prej se u transferua në Spanjë, 20-vjeçari është shndërruar në njërin prej lojtarëve më të mirë në botën e futbollit, duke luajtur një rol kyç në triumfin e ‘Los Blancos’ në La Liga dhe në rrugëtimin e tyre të deritanishëm në Ligën e Kampionëve.

Teksa po i afrohemi hapjes së afatit kalimtar veror, është raportuar se Bellingham dhe Zidane i kanë kërkuar presidentit Florentino Perez që të nënshkruajnë me Jadon Sanchon.

Siç është raportuar nga mediumi spanjoll Defensa Central, Sancho është rekomanduar tek bordi i klubit nga Bellingham dhe Zidane.

Sidoqoftë, është bërë e ditur se Perez nuk është i etur që ta transferojë Sanchon në Madrid.

24-vjeçari ka performuar në një nivel mjaft të lart që prej se u rikthye tek Dortmundi në formë huazimi gjatë afatit kalimtar të janarit.

Muajin e kaluar me golin e shënuar ndaj Leipzigut, Sancho ishte bërë anglezi me më së shumti gola të shënuar në histori të Bundesligës. /Telegrafi/