John Terry paralajmëron Anglinë: rreziku kryesor i Norvegjisë nuk është vetëm Haaland

Para ndeshjes së madhe me Norvegjinë në çerekfinale të Kupës së Botës 2026, legjenda e Anglisë John Terry ka ndarë këshillën e tij për skuadrën e Thomas Tuchel, duke veçuar Martin Odegaard si një lojtar ndaj të cilit duhet treguar kujdes i posaçëm.

Ndërsa vëmendja më e madhe është përqendruar te Erling Haaland, sulmuesi i Manchester Cityt që ka shënuar shtatë gola në katër ndeshje në këtë Botëror, Terry mendon se kapiteni i Arsenalit është futbollisti që udhëheq ritmin dhe funksionimin e lojës së Norvegjisë.

Ish-kapiteni i Anglisë vlerësoi mënyrën si është organizuar përfaqësuesja norvegjeze dhe nënvizoi se ndalimi i dy yjeve të saj kryesorë do të jetë vendimtar.

“Norvegjia është një skuadër e mirë. Mendoj se janë të stërvitur mirë”, deklaroi Terry.

“Mendoj se çdo gjë që shkon mirë përmes asaj skuadre, kalon përmes Martin Odegaard. Nëse Anglia i ndal atë dhe Erling Haaland, atëherë kemi një shans shumë të madh”, shtoi ai.

Anglia dhe Norvegjia do të ndeshen në çerekfinalen e Kupës së Botës, në një sfidë ku dueli mes repartit mbrojtës anglez dhe sulmit të rrezikshëm norvegjez pritet të jetë një nga elementët kryesorë të takimit.