Iraola konfirmon afrimet e reja: Liverpooli ende nuk e ka kompletuar skuadrën

Andoni Iraola ka bërë të ditur se Liverpooli do të vijojë punën për përforcimin e ekipit përpara përfundimit të afatit kalimtar, duke pranuar se aktualisht skuadra nuk ka ende numrin e nevojshëm të lojtarëve.

Edhe pse Reds kanë qenë aktivë gjatë kësaj vere, klubi synon të ndërhyjë në disa reparte. Sipas Iraolës, vlerësimi i vërtetë për përbërjen e Liverpoolit do të bëhet vetëm pasi afati kalimtar të mbyllet.

“Do të nënshkruajmë patjetër me disa lojtarë. Për disa marrëveshje, duhet të prisni deri në ditët e fundit”, deklaroi Iraola për Sky.

Trajneri shtoi se fotografia përfundimtare do të jetë ajo e datës 1 shtator, pasi skuadra, siç pranoi ai, vazhdon të jetë ende mjaft e dobët në aspektin e numrit të lojtarëve.

Gjatë kësaj vere, Liverpooli ka afruar deri tani Jeremy Jacquet, Victor Munoz dhe Ronald Araujo. Në të njëjtën kohë, nga ekipi janë larguar Mohamed Salah, Ibrahima Konata, Andy Robertson dhe Curtis Jones.

Reds janë përmendur gjithashtu si të interesuar për Bradley Barcolan e Paris Saint-Germain, Yankuba Minteh të Brighton dhe Endrickun e Real Madridit.