Udhëtimi i papritur i portierit Alesh Mandous te Përfaqësuesja e Çekisë filloi me atë që ai mendoi se ishte një shaka dhe përfundoi me një ëndërr të realizuar si anëtar i ekipit çek për turneun “Euro 2020”, që fillon të premten.
Ajo thirrje shtatori, pasi COVID-19 mënjanoi anëtarët e rregullt të ekipit kombëtar dhe i detyroi çekët të krijonin një ekip të ri për t’u përballur me Skocinë në ndeshjen e Ligës së Kombeve, i dha një mundësi portierit 29-vjeçar të skuadrës Olomouc për të bërë përshtypje.
None found
“Në fillim kishte raportime se ndeshja ishte anuluar dhe se nuk mund të luhej, kështu që askush nuk priste që ndeshja të vazhdonte”, tha Mandous. “Derisa po shëtisja qenin tim, mora një telefonatë. Ishte trajneri Holoubek ai që më thirri dhe më tha se unë jam i nominuar për ndeshjen. Në fillim mendova se ishte një shaka”.
Pandemia globale ka detyruar organizatorët e “Euro 2020” të ndryshojnë planet për turneun që u shty për një vit, në të cilin numri i tifozëve në tribuna do të jetë i limituar. Mirëpo për lojtarët si Mandous, pandemia ofroi një mundësi.
Shansi i tij erdhi tetë vjet pas paraqitjes së vetme me Përfaqësuesen U21 të Çekisë, në vitin 2013. Në fakt ishte situata me koronavirusin që detyroi Çekinë të krijonte një skuadër krejtësisht tjetër, të cilën do ta udhëhiqte David Holoubek, përzgjedhësi i ekipit U18.
Me nëntë lojtarë që debutuan me Përfaqësuesen A të Çekisë, ekipi bëri një paraqitje solide në humbjen 2:1 nga Skocia, ndërsa portieri Mandous mori vlerësime. Kjo edhe ishte paraqitja që trasoi rrugën e portierit 29-vjeçar të përfshihet te Çekia për “Euro 2020”.
“Është një nder i madh të luaj për ekipin kombëtar, mbi të gjitha të jem pjesë e Kampionatit Evropian”, tha Mandous. “Jo shumë njerëz kanë fat të përfaqësojnë vendin e tyre në turne të tillë”.
Ndërsa Mandous po përgatitet, Çekia ndeshjen e parë në “Euro 2020” do ta luajë pikërisht kundër Skocisë më 14 qershor, në kuadër të Grupit D. Mandous është njëri prej tre portierëve të ftuar nga përzgjedhësi Jaroslav Silhavy. Ky i fundit ka ftuar edhe Jiri Pavlenkan e Werderit dhe Tomas Vaclikun e Sevillas, por Mandous është i gatshëm nëse i jepet mundësia të dëshmohet edhe në “Euro 2020”.
Çekët – që do të paraqiten në Evropianin e shtatë rresht – përballen me një sfidë të vështirë për të avancuar nga grupi, i cili përfshin edhe Anglinë e Kroacinë.
Edhe nëse nuk inkuadrohet në asnjë ndeshje të Evropianit, mundësia e Mandousit për të marrë pjesë në këtë ngjarje e tejkalon zhgënjimin e së dashurës së tij për anulimin e planeve të pushimit veror.
“E dashura ime dhe unë po planifikonim një pushim në Greqi, por unë jam shumë i lumtur që jam pjesë e Çekisë për Evropian”, tha Mandous.
Rrëshqitje gurësh është regjistruar mbrëmjen e kësaj të shtune në rrugën nacionale Burrel-Skuraj. Sipas BW, reshjet e shiut kanë krijuar…
Partnerja e Klajdi Harunit, Orgesa, ka qenë mbrëmjen e djeshme e ftuar në emisionin “Goca dhe Gra”, ku ka ndarë…
Një incident i rëndë ka ndodhur në Modena të Italisë, ku një makinë me shpejtësi të lartë ka goditur një…
Me fitoren 5-1 ndaj Këlnit, Bayern nuk e mbylli sezonin e Bundesligës vetëm me një tjetër festë golash. Përpara se…
Zyrtarizimi i José Mourinho-s në krye të stolit madrilen është çështje ditësh pasi palët thuhet se kanë arritur një akord…
Partia Demokratike ka nisur në heshtje fushatën për ‘zgjedhjet’ për kryetar të 23 majit, ku në garë është vetëm Sali…