Herri Kejn flet për të ardhmen: Jam i lumtur në Mynih, por Totenhem do të jetë gjithmonë pjesë e jetës time

Thashethemet se Herri Kejn, mund të kthehet në Mbretërinë e Bashkuar para përfundimit të kontratës së tij, kanë qarkulluar për muaj me radhë brenda kampionëve të Gjermanisë.

Kapiteni i Tre Luanëve, ka lënë të hapur një rikthim te Totenhem, i cili konsiderohet kandidati më i fortë.

“Nuk jam i sigurt se do të kthehem”, i tha Kejn gazetës Daily Mail kur u pyet për një rikthim.

“Jam shumë i lumtur këtu në Mynih. Nuk është diçka për të cilën po mendoj”.

Ai vazhdoi se është shumë i lumtur në kryeqytetin bavarez.

“Por gjithmonë do të mbetem i lidhur ngushtë me Spërs, sepse kam kaluar gjithë jetën time atje. Jam tifoz i tyre dhe gjithmonë do t’i ndjek dhe do të shoh se si përparojnë. Ata gjithmonë do të jenë pjesë e jetës time, por aktualisht më pëlqen shumë këtu”, përfundoi ai.