Categories: maqedoni

Lëvizja Studentore në Maqedoninë e Veriut: Ndalimet kufitare nuk do të na tërheqin nga kërkesat tona

Ndalimi i Besar Sejdiut, kryetar i Parlamentit Studentor, në pikën kufitare Bllacë me Kosovën ka nxitur reagimin e Lëvizjes Studentore në Maqedoninë e Veriut. Lëvizja shpreh shqetësimin për përpjekjet që, sipas saj, po bëhen për t’u ushtruar presion dhe represion institucional studentëve dhe organizatave që i përfaqësojnë.

Sipas njoftimit të saj, Sejdiu po kalonte kufirin së bashku me studentë të tjerë, me të cilët udhëtonte drejt Italisë për të marrë pjesë në aktivitete. Zyrtarët kufitarë e kanë ndarë nga grupi dhe e kanë shoqëruar brenda ambienteve të pikës kufitare, pa paraqitur ndonjë arsye të qartë.

Të lidhura

None found

Lëvizja e cilëson shpjegimin e dhënë si të pambështetur dhe fyes, ndërsa trajtimin e Sejdiut e konsideron një tentativë të papranueshme për frikësim dhe presion ndaj tij. Ajo bën të ditur se Sejdiut i është komunikuar që institucionet e Maqedonisë së Veriut e kanë përfshirë në një listë për kontrolle të posaçme, por nuk i është shpjeguar as arsyeja dhe as baza e këtij veprimi.

Për Lëvizjen Studentore, kjo ngjarje krijon dyshime serioze se përfaqësuesit e studentëve po përballen me presion të qëllimshëm nga institucionet, me synimin për t’i trembur studentët dhe për t’i larguar nga kërkesat e tyre legjitime. Sipas saj, ndarja e një përfaqësuesi studentor nga bashkudhëtarët dhe shoqërimi në ambientet e brendshme të policisë kufitare, pa shpjegime të qarta, nuk mund të lihet pa reagim.

Lëvizja u kërkon institucioneve përgjegjëse të bëjnë publike bazën mbi të cilën Besar Sejdiu është futur në këtë listë, arsyet e vendimit dhe personin që e ka marrë atë. Gjithashtu, ajo kërkon përgjigje se kush ka urdhëruar veçimin e përfaqësuesit studentor dhe trajtimin e tij në këtë formë.

Në përfundim të reagimit, Lëvizja thekson se kushdo që beson se ndalimet në kufi, presionet apo mënyrat e frikësimit mund t’ua shuajnë zërin studentëve, gabon rëndë. Ajo shprehet se studentët do ta vazhdojnë angazhimin për kërkesat e tyre me më shumë forcë, organizim dhe vendosmëri.

të fundit

Kompani, automjete dhe prona, vlera e pasurive që iu sekuestruan Ilir Shehut arrijnë në 10 milionë euro

Në kuadër të një hetimi pasuror ndaj Ilir Shehut alias Pasholli, 51-vjeç, i dënuar më parë për trafik droge në…

8 minutes ago

Si u krijua frika për një blackout global më 17 nëntor, ndonëse alarmi ishte i rremë

Një ndërprerje masive e energjisë elektrike, internetit dhe shërbimeve bankare, që do të niste më 17 nëntor dhe do të…

14 minutes ago

Durrës court releases two protesters arrested for throwing eggs at Rama’s car

Gjykata e Durrësit ka vendosur sot për lirimin e menjëhershëm të dy protestuesve Edison Lika dhe Albi Dema, të prangosur…

15 minutes ago

Pamja e Trumpit në Filipine nxit reagime: flokë më të errët dhe më voluminozë

Presidenti amerikan, Donald Trump, ka tërhequr vëmendjen gjatë mbërritjes në Filipine, jo vetëm për vizitën e tij diplomatike në kuadër…

15 minutes ago

After “Diella,” “Gjoni” is created; Rama: It will handle a range of public procurement processes!

Ditën e sotme, kryeministri i vendit Edi Rama, ka njoftuar krijimin e Gjonit, një tjetër Inteligjencë Artificiale, që do t’i…

15 minutes ago

Pas vendimit të dytë, afati i radhës për katërshen në Hagë është 27 nëntori

Pas aktgjykimit të sotëm për pengim të drejtësisë, vëmendja në Gjykatën Speciale në Hagë kthehet te rasti kryesor. Deri më…

15 minutes ago