Guti përmend sulmuesin e Atletico Madridit që do ta donte te Reali

Pak para derbit të Madridit në “Riyadh Air Metropolitano”, ish-mesfushori dhe legjenda e Real Madridit, Guti, u pyet se cilin futbollist të rivalit të qytetit do të zgjidhte për ta afruar në skuadrën madrilene.

Ai nuk pati dyshime në përgjigjen e tij dhe veçoi argjentinasin Julián Álvarez. Megjithatë, Guti pranoi se realizimi i një transferimi të tillë do të ishte thuajse i pamundur.

Sipas tij, edhe përtej aspektit financiar, marrëveshja do të përballej me pengesa të mëdha praktike. “Julian Alvarez do të ishte një transferim i mirë për Mourinhon, por Atletico tashmë ka refuzuar 150 milionë euro nga Florentino, kështu që nuk mendoj se është e realizueshme”, deklaroi Guti.

Oferta prej 150 milionë eurosh, e paraqitur gjatë verës nga presidenti i Real Madridit, Florentino Perez, u hodh poshtë shpejt nga Atletico Madridi, që nuk ka shfaqur gatishmëri për të negociuar.

Karakteristikat e Alvarezit përputhen me idetë taktike të Mourinhos, të cilat bazohen te tranzicionet e shpejta. Gjithsesi, integrimi i sulmuesit në një formacion ku aktivizohen tashmë Viniciusi dhe Mbappe do të ishte një sfidë më vete.