Granit Xhaka, një sezon historik që dëshiron ta mbyll me sukses dhe rekord në Euro 2024

Granit Xhaka nuk po ngopet. Kapiteni i Zvicrës duket se nuk është lodhur dhe këtë po e tregon edhe në EURO 2024, pas një sezoni ku ka luajtur deri në 50 ndeshje me Bayer Leverkusen, ku fitoi Bundesligën dhe Kupën e Gjermanisë, duke humbur vetëm ndeshjen finale të Ligës së Evropës .

Finalja ishte një zhgënjim i vogël, por mesfushori shqiptar i Zvicrës, po vazhdon të luftojë për një vit historik dhe dëshiron të mbyllë me sukses edhe Euro 2024.

Mesfushori 31-vjeçar, me më shumë se 100 ndeshje për skuadrën zvicerane dhe kapiten që nga viti 2018, ka marrë pjesë në gjashtë turne të mëdha (duke filluar nga Kupa e Botës 2014 në Brazil).

Ai nuk është vetëm një pjesë kyçe për Zvicrën, por gjithashtu dallohet individualisht për përqindjen e tij të pasimeve (86.6%), numrin e vjedhjeve të topit (8) dhe pasimet kyçe (6).

Për të gjitha këto arsye, UEFA e ka shpallur MVP në dy nga tre ndeshjet në fazën kualifikuese: kundër Hungarisë dhe Gjermanisë.

Nuk është hera e parë që Xhaka merr këtë çmim; ai ka fituar pesë herë çmimin MVP në karrierën e tij të gjatë me Kombëtaren e Zvicrës.

Nga 11 ndeshjet e tij në Kampionatet Evropiane, Xhaka është shpallur lojtari më i mirë në pesë prej tyre, duke iu afruar rekordit të Cristiano Ronaldos dhe Andres Iniestas, që kanë nga gjashtë të tilla.

Një nga synimet e Xhakës është të luajë në çerekfinale të turneut. Lojtari i Bayern Leverkusenit u largua i “zhgënjyer” nga përballja me Gjermaninë për shkak të golit në kohën shtesë nga Niclas Füllkrug, i cili e zbriti Zvicrën e tij në vendin e dytë dhe gjithashtu i detyroi të përballen me një kundërshtar më të fortë në 1/8.

Kampionia aktuale e Evropës, Italia, do të jetë një sfidë e radhës dhe e vështirë për zviceranët, që këtë vit duan diçka më shumë.

Në fakt, Italia është skuadra e fundit që i ka mundur në Euro 2024 (3-0), duke qenë rival në fazën e grupeve të turneut të mëparshëm evropian.

Spanja i mposhti tyre në çerekfinale pasi Zvicra eliminoi Francën me penallti në raundin e 1/16-tës.

Xhaka ka munguar në duelin ndaj spanjollëve për shkak të kartonëve. Ai dëshiron të thyejë rekordin e MVP-së, por fillimisht për të mbetet suksesi i Zvicrës dhe futja në mesin e më të mirëve. /Telegrafi/