Galatasaray zyrtarizon Rafael Leaon, publikohen shifrat marramendëse të transferimit

Rafael Leao është zyrtarisht futbollist i Galatasarayt, pasi klubi turk përfundoi transferimin e bujshëm nga Milani dhe bëri të ditura hollësitë e marrëveshjes me kuqezinjtë dhe sulmuesin portugez.

Edhe pse Aston Villa shfaqi interesim serioz, Leao vendosi të vazhdojë karrierën te Galatasaray, pasi propozimi i klubit anglez për pagën nuk përmbushte kërkesat e tij.

Për kartonin e tij, Galatasaray do t’i paguajë Milanit 38 milionë euro si shumë fikse. Nëse plotësohen kushtet e përcaktuara në kontratë, vlera e përgjithshme e marrëveshjes mund të shkojë në rreth 44 milionë euro.

Milani ka siguruar gjithashtu të drejtën për të përfituar 20 për qind të fitimit nga një transferim i ardhshëm i Leaos.

Në njoftimin e tij, klubi turk deklaroi se marrëveshja me Milanin është arritur për transferimin e Rafael Alexandre da Conceiçao Leaos. Futbollisti ka nënshkruar kontratë katërvjeçare, e cila hyn në fuqi nga sezoni 2026/27.

Të dhënat e publikuara nga Galatasaray tregojnë se sulmuesi do të marrë një pagë të garantuar neto prej 10 milionë eurosh në sezon, duke u renditur mes lojtarëve më të paguar në historinë e klubit turk.

Përmes komunikatës zyrtare, Galatasaray ritheksoi se, krahas tarifës fikse prej 38 milionë eurosh, Milani do të marrë edhe 20% të fitimit të gjeneruar nga shitja e ardhshme e lojtarit.

Me afrimin e Leaos, Galatasaray ka realizuar një nga transferimet më të mëdha të këtij afati kalimtar, ndërsa investimet e fuqishme të klubit turk synojnë përforcimin e skuadrës. /Telegrafi/