Podcasti “Arena e Yjeve” solli në episodin e radhës ish-portierin e njohur kosovar, Flamur Nezirin. Ai foli për rrugëtimin e tij në futboll, aventurat me disa prej klubeve më të njohura të Kosovës dhe tranzicionin drejt profesionit të trajnerit të portierëve. Episodi u realizua me mbështetjen e sponsorit zyrtar Exfis.
None found
Gjatë intervistës, Neziri ndau me dëgjuesit historinë e hapave të parë në futboll dhe arsyen që e shtyu të zgjidhte pozitën e portierit. Ai kujtoi gjithashtu periudhën e hershme te Hysi, si dhe ndikimin që pati transferimi i tij te Prishtina.
Karriera e tij përfshiu paraqitje me Fushë Kosovën, Besën e Pejës, Feronikelin, Drenicën, Flamurtarin dhe Dukagjinin. Në bisedë u përmendën edhe trofetë që fitoi gjatë periudhave të kaluara te Hysi, Prishtina dhe Feronikeli.
Ish-gardiani i portës foli për ndeshjet dhe pritjet që i ka ruajtur më shumë në kujtesë, por edhe për emocionet e çdo grumbullimi me Kombëtaren e Kosovës. Ai rrëfeu për konkurrencën për një vend në portën e përfaqësueses dhe vështirësitë që shoqëronin portierët e gjeneratës së tij.
Një pjesë e rëndësishme e intervistës iu kushtua kalimit të tij nga futbolli aktiv në detyrën e trajnerit të portierëve. Neziri tregoi për angazhimin me grupmoshat e Prishtinës dhe punën e mëvonshme me gjeneratat e reja të Kosovës.
Duke u bazuar në përvojën e tij, ai shpjegoi se si zhvillohen portierët e rinj dhe cilat janë ndryshimet mes përgatitjes së futbollistëve të kësaj moshe dhe stërvitjes së portierëve profesionistë. Neziri veçoi edhe cilësitë që, sipas tij, janë thelbësore për një portier që dëshiron të arrijë sukses.
Në përmbyllje, ai riktheu në vëmendje gjithë karrierën, duke nisur nga Hysi e deri te 2 Korriku, klub ku i dha fund rrugëtimit si futbollist. Po ashtu, foli për zgjedhjet dhe çastet që do t’i ndryshonte nëse do të kishte mundësi ta kthente kohën pas.
Episodi i plotë me Flamur Nezirin është i disponueshëm në kanalin zyrtar të Telegrafit në YouTube. /
Zjarri i përmasave të mëdha ka rikthyer flakët në zonën malore, ndërsa dhjetëra forca zjarrfikëse dhe të emergjencave civile janë…
Një avion mjekësor me gjashtë persona në bord është zhdukur në brigjet e Nantucket, ndërsa autoritetet amerikanë kanë nisur një…
Christa Pike arriti që t’u mbijetonte dy dozave të injektimit vdekjeprurës në Tennessee. Gazetari amerikan, Michael Graczyk, ka ndjekur nga…
Shqiptarët e Diasporës mbajtën sot më 3 tetor një protestë në orën 16:00, përpara Komisionit Evropian në Bruksel, me thirrjen…
Karabinierët italianë që shërbejnë në Njësinë e Specializuar Shumëkombëshe (MSU), pjesë e misionit të Forcës së Kosovës (KFOR) të udhëhequr…
Zjarri i përmasave të mëdha ka rikthyer flakët në zonën malore, ndërsa dhjetëra forca zjarrfikëse dhe të emergjencave civile janë…