Fitore e thellë e Chelseat përballë West Hamit, rriten shanset për një vend në Evropë

Chelsea ka triumfuar 5-0 në shtëpi përballë West Ham United në kuadër të javës së 36-të në Ligën Premier.

Pas 15 minutash lojë, Blutë kaluan në epërsi me golin e Cole Palmer, që u asistua prej Nicolas Jackson.

Për 2-0 u përkujdes Conor Gallagher, kur shënoi pas gjysmë ore lojë në Stamford Bridge.

Gjashtë minuta më vonë, Chelsea realizoi edhe të tretin, tani nëpërmjet Noni Maduekes, që u asistua nga Thiago Silva.

Edhe pjesa e dytë filloi fuqishm për Blutë, që realizuan dy gola të tjerë.

Ishte minuta e 48-të, kur Madueke asistoi me finesë te Jackson, që e futi lehtas topin në rrjetën e Çekanëve.

Jackson (81′) shënoi edhe të pestin për Chelsean, për të finalizuar ndeshjen me rezultat 5-0.

Pas javës së 36-të, Chelsea është ngjitur në vendin e shtatë me 54 pikë, aq sa ka edhe Man United në të tetin, ndërsa në xhiron e 37-të, skuadra londineze përballet me Nottinghamin. /Telegrafi/