Categories: sport

Fenerbahçe synon Brahim Diazin, e ardhmja e marokenit te Real Madridi vihet në dyshim

Brahim Diaz mund të largohet nga Real Madridi në merkaton e janarit, pasi Fenerbahçe e ka përfshirë sulmuesin maroken në listën e lojtarëve që dëshiron për të përforcuar repartin ofensiv.

Sipas gazetarit Niccolo Righi, klubi turk pritet të nisë kontaktet e para në fund të tetorit dhe po punon për një ofertë për 27-vjeçarin. Në përpjekje për ta bindur lojtarin dhe klubin madrilen, Fenerbahçe synon të kërkojë edhe ndihmën e Arda Gulerit.

Të lidhura

None found

Diaz është i lidhur me Real Madridin deri më 30 qershor 2027, ndërsa vlera e tij në treg llogaritet rreth 35 milionë euro.

Interesi i skuadrës turke vjen në një moment kur marokeni nuk e ka të sigurt një vend në formacionin e Jose Mourinhos. Për minutat e lojës, ai duhet të konkurrojë me disa alternativa të tjera që luajnë në repartin ofensiv.

Fenerbahçe po kërkon të shtojë forcën e sulmit gjatë dimrit. Paraqitjet e Kerem Akturkoglut dhe Oguz Aydinit kanë shtyrë stafin teknik të vlerësojë nevojën për një tjetër futbollist në atë pozicion.

Një element që mund të ndikojë në vendimin e Brahimit është edhe rëndësia e tij te Kombëtarja e Marokut. 27-vjeçari gëzon një rol më të madh me përfaqësuesen dhe klubi turk mund ta shfrytëzojë këtë argument për t’i premtuar më shumë hapësira duke nisur nga janari.

Megjithatë, Fenerbahçe nuk është skuadra e vetme që ka shfaqur interes për të. Brahimi ndiqet gjithashtu nga ish-klubi i tij, Milani.

Gjatë periudhave të ndryshme në Madrid, marokeni ka regjistruar mbi 160 ndeshje zyrtare me Real Madridin dhe ka shënuar rreth 20 gola. Që prej rikthimit nga Milani në vitin 2023, ai ka qenë pjesë e rregullt e rotacionit, por nuk ka fituar një vend të përhershëm në formacionin titullar.

Real Madridi ende nuk ka vendosur nëse do ta shesë Brahimin. Kontrata e tij përfundon në vitin 2027 dhe prej disa muajsh është diskutuar mundësia e zgjatjes së saj, por deri tani klubi nuk ka bërë asnjë njoftim zyrtar.

Një transferim gjatë janarit do të përcaktohet nga disa rrethana, mes tyre oferta financiare e Fenerbahçes, qëndrimi i Mourinhos dhe afrimet që Real Madridi mund të realizojë në të njëjtën periudhë kalimtare./