Federata e Futbollit të Serbisë ka reaguar zyrtarisht pas vendimit për të zhvendosur ndeshjen kualifikuese mes Serbisë dhe Shqipërisë nga Beogradi në Leskovac, në stadiumin “Dubocica”. Në një komunikatë publike, organi drejtues i futbollit serb falënderon si UEFA-n ashtu edhe FSHF-në për mirëkuptimin dhe bashkëpunimin e treguar.
Sipas deklaratës, ky ndryshim u bë për të garantuar sigurinë e plotë të lojtarëve, tifozëve dhe të gjithë pjesëmarrësve, duke theksuar se një përballje e tillë konsiderohet ngjarje me “rrezik të lartë”. Në njoftim përmendet qartë edhe kujtesa e hidhur e vitit 2014 në Beograd, kur takimi mes dy përfaqësueseve u ndërpre mes tensioneve të mëdha dhe incidenteve të dhunshme.
“Arsyeja kryesore është siguria. Të gjithë i kujtojmë mirë ngjarjet dhe pasojat nga Beogradi në vitin 2014. Ndryshimi i vendndodhjes në Leskovac ul ndjeshëm rrezikun e ekseseve të mundshme dhe mbron interesat e futbollit serb”, thuhet ndër të tjera në deklaratën e Federatës Serbe.
Në komunikatë theksohet gjithashtu se stadiumi “Dubocica” ka treguar atmosferë pozitive dhe mbështetje të fortë për ekipin serb në ndeshjet e kaluara, duke u konsideruar një vend i përshtatshëm për organizimin e sfidës delikate ndaj Shqipërisë.
Federata Serbe e Futbollit e mbylli reagimin e saj duke shprehur mirënjohje ndaj UEFA-s dhe FSHF-së për vendimin e përbashkët, të cilin e cilësoi si një hap të rëndësishëm për ruajtjen e sigurisë dhe imazhit të futbollit europian.
Pas vendimit të Gjykatës Kushtetuese, Prokuroria e Posaçme kërkon autorizimin e Kuvendit për një masë arresti ndaj numrit 2 të…
Ditën e djeshme, një situatë e tensionuar dhe e pakëndshme, ka shoqëruar episodin e programit “Përputhen”, ku një debat mes dy…
Në vitin 2025, Shqipëria paraqitet si vendi me nivelin më të lartë të dëshirës për emigrim në Rajon, sipas të…
Ditën e sotme dollari amerikan, në blerje do të këmbehet me 81.3 lekë, në shitje me 82.6 lekë. Euro, do…
Këtë të mërkurë vendi ynë, do të ndikohet nga kushte atmosferike relativisht të paqëndrueshme. Moti do të jetë kryesisht me…
Dashi Dite mjaft pozitive dhe e mbushur me momente te lumtura kjo e sotmja për te dashuruarit. Do ndani çdo…