Categories: sport

Fanella e Peles nga finalja e Botërorit 1958 arrin 4.9 milionë dollarë në ankand

Fanella që legjenda braziliane Pele mbajti veshur në finalen e Kupës së Botës 1958 është shitur në një ankand të Sotheby’s në Nju Jork për 4.9 milionë dollarë (4.28 milionë euro).

Ky është çmimi i dytë më i lartë i arritur ndonjëherë për një fanellë futbolli. Mbi të renditet vetëm fanella e Argjentinës që Diego Maradona veshi në Botërorin e vitit 1986, kur realizoi golin e famshëm “Dora e Zotit” kundër Anglisë, e cila në vitin 2022 u ble për 7.1 milionë funte (8.36 milionë euro).

Të lidhura

None found

Me më shumë se pesë ofertues dhe gjithsej 10 oferta, fanella e finales së vitit 1958 u bë relikti më i shtrenjtë i Peles që është shitur ndonjëherë në ankand.

E njëjta fanellë ishte shitur në vitin 2004 për vetëm 105,600 dollarë (92, 308 euro).

Në finalen e Kupës së Botës 1958, Pele ishte 17 vjeç kur shënoi dy gola ndaj Suedisë dhe fitoi të parin prej tre trofeve të tij në Kupat e Botës.

Braziliani vazhdon të jetë lojtari më i ri që ka realizuar gol në një finale të Kupës së Botës.

“Rezultati i sotëm është një dëshmi e fuqishme e trashëgimisë së qëndrueshme të njërit prej futbollistëve më të mëdhenj të të gjitha kohërave”, deklaroi Brendan Haëkes, kreu i strategjisë dhe zhvillimit sportiv në Sotheby’s.

“Kjo fanellë nuk është vetëm një kujtesë e përhershme e njërit prej momenteve më të rëndësishme në historinë e futbollit, por është kryesisht e lidhur me momentin që e katapultoi Pelen në një ikonë globale të sportit”, shtoi ai.

Në ankandin ‘The Beautiful Game’, të mbajtur të enjten, u shitën edhe objekte të tjera. Shiriti i kapitenit që Maradona mbante gjatë Kupës së Botës 1986, përfshirë ndeshjen në të cilën shënoi golin ‘Dora e Zotit’ kundër Anglisë, u ble për 512,000 dollarë (447,554 euro).

Po ashtu, një fanellë e Lionel Messit nga fitorja dramatike 6–1 e Barcelonës ndaj Paris St-Germain në 1/8-tën e finales së Ligës së Kampionëve në vitin 2017 u shit për 217,600 dollarë (190,210 euro). Fanella e David Beckham nga ndeshja e tij e 50-të me Anglinë në Kupën e Botës 2002 arriti vlerën e 51,200 dollarëve (44,755 euro).

të fundit

From Berlin, Mickoski warns of a difficult winter for North Macedonia and Europe

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

2 minutes ago

Coronavirus returns in North Macedonia as flu spreads rapidly

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

2 minutes ago

Chaos at Skopje’s “8 Shtatori” hospital: fire on seventh floor, patients evacuated

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

2 minutes ago

Nga Berlini, Mickoski paralajmëron dimër të vështirë për Maqedoninë e Veriut dhe Evropën

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

19 minutes ago

Rikthehet koronavirusi në Maqedoninë e Veriut, ndërsa gripi përhapet me ritëm të shpejtë

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

19 minutes ago

Kaos në spitalin “8 Shtatori” të Shkupit: Zjarr në katin e shtatë, pacientët evakuohen

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

19 minutes ago