Fanella që legjenda braziliane Pele mbajti veshur në finalen e Kupës së Botës 1958 është shitur në një ankand të Sotheby’s në Nju Jork për 4.9 milionë dollarë (4.28 milionë euro).
Ky është çmimi i dytë më i lartë i arritur ndonjëherë për një fanellë futbolli. Mbi të renditet vetëm fanella e Argjentinës që Diego Maradona veshi në Botërorin e vitit 1986, kur realizoi golin e famshëm “Dora e Zotit” kundër Anglisë, e cila në vitin 2022 u ble për 7.1 milionë funte (8.36 milionë euro).
None found
Me më shumë se pesë ofertues dhe gjithsej 10 oferta, fanella e finales së vitit 1958 u bë relikti më i shtrenjtë i Peles që është shitur ndonjëherë në ankand.
E njëjta fanellë ishte shitur në vitin 2004 për vetëm 105,600 dollarë (92, 308 euro).
Në finalen e Kupës së Botës 1958, Pele ishte 17 vjeç kur shënoi dy gola ndaj Suedisë dhe fitoi të parin prej tre trofeve të tij në Kupat e Botës.
Braziliani vazhdon të jetë lojtari më i ri që ka realizuar gol në një finale të Kupës së Botës.
“Rezultati i sotëm është një dëshmi e fuqishme e trashëgimisë së qëndrueshme të njërit prej futbollistëve më të mëdhenj të të gjitha kohërave”, deklaroi Brendan Haëkes, kreu i strategjisë dhe zhvillimit sportiv në Sotheby’s.
“Kjo fanellë nuk është vetëm një kujtesë e përhershme e njërit prej momenteve më të rëndësishme në historinë e futbollit, por është kryesisht e lidhur me momentin që e katapultoi Pelen në një ikonë globale të sportit”, shtoi ai.
Në ankandin ‘The Beautiful Game’, të mbajtur të enjten, u shitën edhe objekte të tjera. Shiriti i kapitenit që Maradona mbante gjatë Kupës së Botës 1986, përfshirë ndeshjen në të cilën shënoi golin ‘Dora e Zotit’ kundër Anglisë, u ble për 512,000 dollarë (447,554 euro).
Po ashtu, një fanellë e Lionel Messit nga fitorja dramatike 6–1 e Barcelonës ndaj Paris St-Germain në 1/8-tën e finales së Ligës së Kampionëve në vitin 2017 u shit për 217,600 dollarë (190,210 euro). Fanella e David Beckham nga ndeshja e tij e 50-të me Anglinë në Kupën e Botës 2002 arriti vlerën e 51,200 dollarëve (44,755 euro).
Protesta kundër qeverisë së Edi Ramës, hyn sot në ditën e 109-të, me qytetarët dhe aktivistët që pritet të mblidhen…
Pak orë e ndajnë Kosovën nga një prej vendimeve gjyqësore më të pritura dhe më të ndjeshme në historinë e…
Tre persona kanë humbur jetën pasi një helikopter u rrëzua në një zonë të banuar në periferi të Los Angelesit,…
Ditën e sotme vendi ynë, pritet të ndikohet nga kushte atmosferike relativisht të qëndrueshme, ndërsa moti do të karakterizohet nga…
Barcelona ka nisur kontaktet e para për rinovimin e kontratës së Raphinhas, ndërsa drejtori sportiv i klubit, Deco, ka zhvilluar…
Nga mënyra si e shihni veten dhe zakoni, deri te privatësia – e njëjta fotografi nuk tregon domosdoshmërisht atë që…