Real Madridi pritet që t’i nënshtrohet një afati kalimtar veror shumë të ngarkuar, ku do të ketë largime dhe prurje të reja në skuadër.
Kylian Mbappe do të arrijë nga Paris Saint-Germaini si lojtar i lirë, dhe lëvizje gjithashtu janë planifikuar edhe për dyshen Alphonso Davies dhe Leny Yoro.
Sulmuesi brazilian Endrick gjithashtu më në fund do të kompletojë kalimin në Madrid nga Palmeirasi, marrëveshje kjo e cila ishte arritur në 2022.
Në rastin e Davies, Real Madridi e ka monitoruar situatën e tij për pjesën më të madhe të sezonit.
Kushtet personale besohet se janë arritur dhe për momentin, ‘Los Blancos’ po marrin kohën e tyre para se të bëjnë ofertën, dhe kjo është arsyeja pse situata është kaq e qetë.
Kjo qetësi nuk ka pse t’i shqetësojë tifozët e Real Madridit, sipas asaj që ka raportuar gazetari i njohur Fabrizio Romano.
“Situata e Alphonso Davies mbetet shumë e qartë për Real Madridin. Ata po presin që Davies t’i përgjigjet propozimit të ri të Bayernit, pastaj pozicioni i Real Madridit do të jetë shumë i qartë, sepse ata nuk duan të shpenzojnë 60-70 milionë euro për një lojtar i cili ka një vit të mbetur në kontratën e tij”, ka thënë Romano.
“Real Madridi do të insistojë për një çmim të duhur këtë verë ose do të presin verën e 2025 kur ai atëherë do të jetë lojtar i lirë, por Real Madridi do të preferonte që ta transferonte atë tani me një çmim të mirë, se sa të presin”, është shprehur ai.
Liga e Kampionëve 2025/26 ka filluar. Në Montecarlo është hedhur shorti i fazës në grup, skuadrat kanë mësuar kundërshtarët e…
Skemat piramidale online nuk janë shfaqur tani, ato kanë tre vite që operojnë në Shqipëri. Këto platforma janë bërë aq…
Bashkimi Evropian përmes një letre ka njoftuar se do të pezullojë përkohësisht mbajtjen e takimeve me kryeministrin e Kosovës, Albin…
Kryeministrja italiane, Giorgia Meloni, ka dënuar ashpër sulmet e fundit ruse në Kiev, ku u prekën edhe zyrat e Delegacionit…
Këngëtarja e njohur Nora Istrefi, interpretuese e hitit të njohur “Dy Shokë”, po shijon disa ditë të mira pushimi në…
Këngëtari Jozefin Marku ka reaguar publikisht pas disa lajmeve të shpërndara në portale, sipas të cilave shpërthimi me lëndë plasëse…