Cesc Fabregas ka diskutuar fishkëllimat që ish-bashkëlojtari i tij i Barcelonës, Lionel Messi, mori nga tifozët e Paris Saint-Germain pas eliminimit të tyre nga Champions League nga Real Madrid.
Messi u përball me këtë pritje të ashpër nga tifozët e tij gjatë ndeshjes së parë të PSG-së në Ligue 1 pas daljes së tyre nga Europa, dhe mesfushori i Monacos mendon se një lojtar i shtatit të tij nuk e meriton këtë trajtim.
“Rasti i Leos është shumë i thjeshtë. Për mua, ai ka qenë më i miri që kam parë dhe luajtur me të”, tha Fabregas për “MARCA”.
“Ajo që kam parë prej tij ka qenë e jashtëzakonshme.”
Fabregas ka pasur trajtim të ngjashëm nga tifozët e Barcelonës në të kaluarën.
“Më kanë fishkëllyer në Camp Nou.
“E di se çfarë ndodhi me PSG-në. Tifozët duan të krijojnë një moment tensioni me lojtarët.
“Gjatë ndeshjes ata të mbështesin, kur të këndojnë emrin tënd, perfekte, por ajo që pashë një ditë më parë, tallja kur Neymar humbi topin ose fishkëllima kur ata preknin topin, është shumë e shëmtuar”.
34-vjeçari e kupton se këta lojtarë fitojnë shumë dhe tifozët mund të zhgënjehen, por ai po e mbështet Messin për të sjellë sukses në kryeqytetin francez.
“Ata justifikohen se paguhen shumë, humbën kundër Real Madridit, kjo është mirë, por a nuk donin të fitonin? Kjo është ajo që vjen e para”, shtoi Fabregas.
“Me PSG-në ata nuk kanë fituar ende asgjë për momentin, por me siguri do ta fitojnë ligën.
“Ju po flisni për një lojtar që sapo ka ardhur. PSG nuk ka pasur kurrë një lojtar të tillë në jetën e tyre.
“Është më mirë të jesh mirënjohës, ta mbështesësh dhe të mos e shtypësh. Këtë vit apo vitin tjetër, këta djem do t’ju sjellin momente të shkëlqyera”, u shpreh Fabregas./ h.ll/albeu.com
Klaidi Mustaj, 26 vjeç, efektiv policie nga Fier, është kthyer në “heroin e ditës” pasi rrezikoi jetën për të shpëtuar…
Në Portin e Durrësit ka mbërritur sot superjahti “Dragonfly”, me gjatësi 142 metra, i ndërtuar nga kantieri gjerman Lürssen dhe…
Nje ngjarje e rëndë ka ndodhur në një festë familjare në restorantin “Grand Events” në fshatin Shkabaj, në rrugën Prishtinë–Mitrovicë,…
Dy turistë gjermanë u shpëtuan nga policia kufitare e Vlorës, pasi mbetën të bllokuar që prej mbrëmjes së djeshme në…
Një 23-vjeçar shqiptar, i cili kishte hyrë në Zvicër si turist, është arrestuar nga autoritetet zvicerane nën akuzën e trafikut…
Kryeministri Edi Rama ka publikuar një video të shembjes së një ndërtese në Vlorë, duke dhënë mesazhin se ndërhyrjet ndaj…