Fabian Ruiz vendos objektivin historik të PSG-së: Tri Liga të Kampionëve radhazi

Paris Saint-Germain synon të përsërisë suksesin e Real Madridit dhe të fitojë Ligën e Kampionëve për të tretën herë radhazi. Fabian Ruiz e ka bërë të qartë se ky është ambicioni madhor i klubit parisien gjatë këtij sezoni.

Në një intervistë për “The Athletic”, mesfushori spanjoll deklaroi se skuadra dëshiron të hyjë në historinë e garës evropiane duke barazuar rekordin e Real Madridit.

“Shpresojmë që këtë vit të kemi sërish mundësinë të luftojmë për ta fituar Ligën e Kampionëve për herë të tretë”, u shpreh Ruiz.

“Në epokën e Ligës së Kampionëve, vetëm Real Madridi ka arritur ta bëjë këtë. Ky është synimi ynë kryesor këtë vit: të jemi aty dhe të luftojmë për të realizuar diçka historike”, shtoi ai.

Kampionët në fuqi të Evropës e kanë nisur mbrojtjen e trofeut në mënyrën më bindëse të mundshme, pasi mposhtën Slovan Bratislavën me rezultatin 6-1 në shtëpi.

Ekipi i drejtuar nga Luis Enrique kërkon të bëhet vetëm skuadra e dytë në historinë moderne të Ligës së Kampionëve që e fiton trofeun në tri edicione radhazi.

Real Madridi mbetet klubi i vetëm që e ka realizuar këtë arritje në epokën moderne të turneut, me triumfe në tri sezone rresht nga viti 2016 deri në vitin 2018.

PSG-ja tani synon ta barazojë këtë rekord dhe ta forcojë më tej dominimin e saj në Evropë, pas fitimit të trofeut në dy edicione të njëpasnjëshme.