Eljon Sota do të udhëtojë sot drejt Barcelonës, ku të martën është planifikuar t’i nënshtrohet një ndërhyrjeje kirurgjikale. Mbrojtësi i Egnatias pësoi një dëmtim më të rëndë nga sa mendohej në kavilje dhe fibul gjatë ndeshjes me Teutën. Stafi mjekësor ndërhyri menjëherë dhe e nxori nga fusha me barelë. Vetëm pas operacionit pritet të përcaktohet më qartë koha që do t’i duhet për t’u rikthyer.
Sipas detajeve të mësuara nga Newsport.al, shkalla e lartë e dëmtimit pritet ta mbajë 28-vjeçarin larg fushës për një periudhë të gjatë. Duke llogaritur rehabilitimin pas operacionit dhe kohën që i duhet këmbës të jetë sërish në gjendje optimale për stërvitje, mungesa mund të arrijë deri në 6 muaj. Kjo do të thotë se Sota mund ta ketë mbyllur para kohe vitin kalendarik.
None found
Egnatia mund të llogarisë në shërbimet e tij mes muajve mars dhe prill, në fazën përmbyllëse të Superiores. Në këtë skenar, mbrojtësi do të kishte mundësi të luante rreth 7-9 ndeshje gjithsej, përfshirë edhe gjysmëfinalet e Kupës së Shqipërisë, nëse rrogozhinasit arrijnë deri aty. Ai nuk do të mund ta ndihmojë skuadrën në fazën e mbetur të Conference League.
Për trajnerin Nevil Dede, një mungesë kaq e gjatë përbën një goditje të rëndë, pasi Sota është pjesë e rëndësishme e formacionit bazë dhe i jepte siguri prapavijës së Egnatias. Mbrojtësi shtatlartë po shihej gjithashtu si kandidat serioz për një ftesë nga Rolando Maran.
Trajneri i Kombëtares shqiptare ndodhej në stadiumin e Rrogozhinës për ta vëzhguar Sotën, por dëmtimi i ka penguar planet e tij për ta ndjekur më tej lojtarin.
Zëvendëskryeministri i parë i Maqedonisë së Veriut, Bekim Sali, së bashku me kryeministrin e Shqipërisë, Edi Rama, ka marrë pjesë…
LSDM-ja opozitare akuzon se qytetarët po jetojnë në buzë të varfërisë si pasojë e çmimeve të larta dhe standardit të…
Pas tri ditë aktivitetesh, sot u përmbyll me sukses gara ndërkombëtare “European Defense Tech Hackathon”. Kjo garë u mbajt për…
Gjermania po përshpejton modernizimin e ushtrisë dhe po përgatitet për skenarët e luftës së së ardhmes. [...] Read More... The…
Kryeministri Edi Rama ka reaguar ndaj debatit të krijuar në Maqedoninë e Veriut pas deklaratave të tij për përfshirjen e…
Një stuhi jashtëzakonisht e fuqishme ka shkaktuar shkatërrime të mëdha në jug të Brazilit, duke lënë të paktën 5 persona…