sport

El Clasico: Tre duelet kryesore që mund ta vendosin fituesin e këtij takimi

Të gjithë sytë do të jenë tek dueli i sotëm (e diel) mes Real Madridit dhe Barcelonës. Kjo ndeshje gjithmonë ka gjeneruar interesim, por edhe më shumë kësaj radhe duke marrë parasysh se blaugransve i duhet një fitore për të ‘dridhur’ garën për titull dhe për të zvogëluar diferencën me liderin.

Si do të përpiqen Carlo Ancelotti dhe Xavi që të marrin tri pikët? Mirë pra, kjo do të vendoset nga detajet si dhe nga disa duele në fushë.

Këto janë pesë duelet që mund të vendosin fatin e ndeshjes, ndoshta edhe atë të titullit.

Ferland Mendy vs Lamine Yamal

Herën e fundit kur Yamal luajti në ‘Bernabeu’, ai dhuroi një shfaqje fantastike për tifozët në miqësoren e Spanjës ndaj Brazilit madje mori edhe ovacione për këtë. 16-vjeçari ka kontribuar në 10 gola këtë sezon dhe ka regjistruar 1.6 driblime të suksesshme për ndeshje.

Ai i ka shkaktuar mbrojtësve probleme gjatë tëerë sezonit, por sonte do të jetë në duel me Ferland Mendyn, njërin nga lojtarët më të mirë në aspektin defanziv. Nëse Mendy arrin ta mbajë Yamalin ‘të heshtur’, atëherë ekipi i tij do të ishte një hap pranë fitores.

Pau Cubarsi vs Rodrygo dhe Vinicius

Në anën tjetër të fushës, dyshja braziliane Rodrygo dhe Vinicius do të synojnë t’i shkaktojnë probleme mbrojtjes së Barcelonës. Ata kanë shënuar në total 22 gola, dhe kur Real Madridi fitoi me rezultat 4-1 në finale të Superkupës së Spanjës, Vinicius shënoi het-trik, ndërsa Rodrygo shënoi një tjetër.

Sidoqoftë, që prej se Cubarsi debutoi për Barcelonën ai i ka habitur të gjithë me paraqitjet e tij në fazën defanzive. 17-vjeçari tashmë është i paprekshëm në formacion, kështu që do të jetë interesante për t’u parë se si do të performojë në El Clasicon e tij të parë.

Andriy Lunin vs Robert Lewandowski

Kur Real Madridi fitoi El Clasicon e kaluar në tetor, Andriy Lunin nuk luajti. Në atë fazë të sezonit, portieri ukrainas ishte në bankë ndërsa Kepa Arrizabalaga luante nga minuta e parë në ‘Estadi Olimpic’.

Sidoqoftë, Lunin tashmë është bërë portieri i parë për Ancelottin dhe po kalon në një sezon fantastik duke pësuar vetëm 0.58 gola për ndeshje.

Sot, Lunin do të synojë që të impresionojë edhe një herë tjetër me paraqitjen e tij, ndaj një sulmuesi ‘vdekjeprurës’ si Robert Lewandowski. Dueli mes ukrainasit dhe polakut mund të jetë kryesori nga këta të lartpërmendurit. /Telegrafi/

të fundit

Plagosja me armë në zonën e Frekut në Tiranë, identifikohen autorët (EMRAT)

Mbrëmjen e djeshme, një ngjarje e rëndë u regjistrua në zonën e Freskut në kryeqytet, në rrugën “Thoma Filipeu”, ku…

52 seconds ago

Përmban shumë lëndë ushqyese, por përse rrushi i thatë nuk rekomandohet për të gjithë?

Rrush i thatë përmban një sasi të madhe të lëndëve ushqyese, dhe studime të shumta kanë treguar se konsumimi i…

7 minutes ago

Sherri në Vlorë ku u plagosën tre persona/ Policia arreston autorin 32-vjeçar, zbardhen detajet

Policia e Vlorës, ka vënë ka arrestuar një 32-vjeçar, i përfshirë në një konflikt të dhunshëm mbrëmjen e djeshme, ku…

22 minutes ago

Kodi i ri Penal/ Reagon edhe OSBE: Nuk na është marrë mendimi për draftin

Drafti i Kodit të ri Penal, të propozuar nga qeveria, është pritur me kundërshti të shumta. Krahas zërave të pafundme…

31 minutes ago

Ndarja nga jeta e vajzës së tij, reagon akademiku Rexhep Qosja: Ditë të rënda për ne, mos i provoftë askush

Akademiku dhe shkrimtari i njohur shqiptar Rexhep Qosja, ka reaguar për herë të parë pasi vajza e tij Edita Qosja-Rexhepi,…

47 minutes ago

U aksidentua nga një automjet në aksin Gjirokastër-Kakavijë, vdes në spital 60-vjeçari

I aksidentuari mbrëmjen e djeshme, në aksin Gjirokastër-Kakavijë, i cili u përplas nga një automjet që drejtohej nga një 29-vjeçar,…

1 hour ago