E shtuna është dita vendimtare, Fulhami do të marrë vendimin për Armando Brojën

Armando Broja u huazua në mënyrë të bujshme në radhët e Fulhamit, por përvoja e tij e re nuk po shkon ashtu siç pritej.

Pritshmëritë për aktivizim të rregullt ishin të mëdha, teksa vetë kontrata e firmosur mes dy klubeve e premtonte diçka të tillë.

Por shkëlqimi i papritur i Munizit ka ndryshuar planet. Broja nuk ka zhvilluar ende asnjë ndeshje me fanellë titullari për Fulhamin. Në këto kushte, e shtuna e ardhshme do të jetë vendimtare sa i përket aktivizimit të klauzolës së veçantë në kontratë.

Në rast se Broja nuk do të luajë nga minuta e parë në ndeshjen e ardhshme, atëherë Fulhamit do i duhet të paguajë 4 milionë paundë në llogarinë bankare të Chelsea-t.

Në kontratë ishte shkruar se Fulhami nuk do të paguantë para për huazimin e sulmuesit shqiptar në rast se ai do të aktivizohej titullar në 60% të ndeshjeve.

Në momentin e transferimit, Broja kishte përpara 16 ndeshje, çka nënkuptonte se në bazë të klauzolës në kontratë duhej të luante nga minuta e parë për të paktën 10 ndeshje.

Gjashtë përballje tashmë janë luajtur dhe në lojë mbeten pikërisht 10 takimet e nevojshme për të shmangur pagesën prej 4 milionë eurosh.