Reprezentuesi i Shteteve të Bashkuara do të jetë jashtë për 10 ditë pasi pësoi një dëmtim në ndeshjen kualifikuese të Kupës së Botës kundër Hondurasit.
Të lidhura
None found
Christian Pulisic do të humbasë tre ndeshjet e ardhshme të Chelsea për shkak të një dëmtimi në kyçin e këmbës, thotë Thomas Tuchel.
Anësori 22-vjeçar pësoi dëmtimin gjatë fitores 4-1 të Shteteve të Bashkuara kundër Hondurasit në kualifikueset e Kupës së Botës.
Pulisic tashmë i ka humbur dy ndeshjet e fundit të Chelsea në Premier Ligë pasi kontraktoi Covid-19, por pritet të mungojë edhe më gjatë, ndërsa N’Golo Kante është gjithashtu i padisponueshëm.
“Për fat të keq ne kemi dy lojtarë jashtë, N’Golo Kante dhe Christian Pulisic, ata të dy u kthyen të lënduar,” tha Tuchel në një konferencë shtypi përpara ndeshjes së Chelsea në Premier Ligë kundër Aston Villas.
“N’Golo u lëndua kundër Liverpool dhe ende vuan pak. Ne do të përpiqemi me N’Golo të martën, kështu që kjo duket mjaft mirë.
“Për Christian fatkeqësisht ai erdhi dje me paterica, dhe ne kemi një dëmtim të kyçit të këmbës me rreth 10 ditë si dhe Pulisic do të humbasë edhe ndeshjen hapëse të skuadrës së tij në fazën e grupeve të Ligës së Kampionëve kundër Zenit.
Ai gjithashtu do të jetë jashtë për ndeshjen si mysafir kundër Tottenham, por mund të kthehet për ndeshjen e ‘Carabao Cup’ me Villan më 22 shtator.
Chelsea gjithashtu mund të jetë pa Thiago Silva për ndeshjen e së shtunës pasi FIFA vendosi tetë lojtarë të Premier Ligës të papërshtatshëm për ndeshjen e kësaj fundjave.
Urdhri erdhi pasi shoqata e futbollit brazilian i kërkoi organizatës të ndëshkonte klubet angleze pasi ata refuzuan të lëshonin lojtarët për ndeshjet kualifikuese të Kupës së Botës.
Megjithatë Tuchel mbetet optimist dhe thotë se mund të ketë ende një shans për qendërmbrojtësin për të luajtur.
“Tani për tani Thiago nuk është zyrtarisht jashtë. Kryetari është ende në negociata dhe unë jam duke pritur për vendimin përfundimtar,” tha ai.
“Për mua është e mjaftueshme nëse marr vendimin përfundimtar nesër. Ne do të marrim vendimin e fundit nesër në mëngjes dhe ne ende shpresojmë se ai mund të luajë.”
Ai shtoi: “Unë nuk e kuptoj dhe nuk ka kuptim nga cilado anë që të shikoni. A kishte kuptim për Brazilin? Jo. A kishte kuptim për ne? Jo, sepse ai mund të mos jetë në gjendje të luajë dy ndeshje.
“Nëse do ta kishim dërguar, ai do të kishte qenë jashtë për 10 ditë në një dhomë hoteli, nuk do të ishte në gjendje të stërvitej.
“Unë nuk e di se si ndonjë tifoz në këtë lojë mund të shohë një efekt pozitiv. Nuk ka asnjë”, ka përfunduar Tuchel.