Categories: sport

Dëmtimi i Kante, Thomas Tuchel jep detaje rreth gjendjes së francezit

Në fitoren e Chelseat kundër Leicester Cityt me rezultat 2-1, ndeshje kjo e cila ishte shumë ë rëndësishme për shkak së të dy këto skuadra po luftojnë për një vend që dërgon në Ligën e Kampionëve, N’Golo Kante ishte ai që lëshoi fushën shumë herët për shkak se pësoi një lëndim dhe kjo i shqetësoi tifozët e “Bluve” të Londrës.

Francezi filloi ndeshjen e së martës nga minuta e parë dhe ishte ndër më të mirët në pjesën e parë, por u desh të zëvendësohej nga Matteo Kovacic për shkak të lëndimit.

Të lidhura

None found

Ndërsa Kante po dilte nga fusha, Tuchel shihej në bisedë me francezin në lidhje me gjendjen e tij, duke treguar se tërheqja e tij nuk ishte një vendim taktik. Kjo nxiti shqetësimin e tifozëve duke pasur parasysh që finalja e Ligës së Kampionëve kundër Manchester Cityt është vetëm 10 ditë larg.

Duke folur pas ndeshjes, Tuchel tha lajme pozitive për 30-vjeçarin, duke zbuluar se mesfushori u zëvendësua thjesht si një masë paraprake. Sipas teknikut gjerman, Kante i komunikoi se kishte frikë se do të kishte ndodhur dëmtimi i muskujve nëse ai do të qëndronte në fushë, duke nxitur kështu vendimin për ta tërhequr atë.

“N’Golo nuk është i dëmtuar. Ai më tha dhe unë e kuptova mirë në frëngjisht, ai doli para së të dëmtohej,” tha Tuchel, sipas “The Sun”

“Ai i ndjeu dhimbje në shpatullat e tij dhe ishte i shqetësuar se do të lëndohej nëse vazhdonte të luante. Ne do t’i bëjmë kontrollet e tij. Kam një ndjenjë të mirë për N’Golon.”, tha Tuchel.