Dy klubet e njohura italiane në garë për Joel Matip

Futbollisti i Liverpoolit, Joel Matip, është në shënjestër të klubeve italiane, Roma dhe Lazio, teksa përgatitet të largohet nga Reds si lojtar i lirë në fund të sezonit aktual.

32-vjeçari kamerunas ka pasaportë të BE-së dhe kontrata me Red që skadon në fund të sezonit dhe nuk do të rinovohet.

Matip dikur ishte një lojtar jashtëzakonisht i rëndësishëm në skuadrën e Jurgen Klopp, por ai ishte jashtë fushës në dhjetor pasi pësoi një dëmtim të ligamentit të kryqëzuar.

Mediat italiane shkruajnë se Matip po përgatitet të largohet nga Liverpool dhe se ka tërhequr vëmendjen e Romës dhe Lazios, të cilët mund të hapin negociatat me futbollistin kamerunas.

Megjithatë, rezultati i negociatave për të dyja skuadrat me siguri do të varet nga kalimi i tyre në garat evropiane dhe futbollisti raportohet se është gati të shkojë në Itali. /Telegrafi/