Categories: sport

Disiplina publikon masat pas javës së gjashtë: gjoba për Tiranën, Partizanin e Dinamon dhe pezullime në disa kategori

Komisioni i Disiplinës ka publikuar vendimet për ngjarjet e evidentuara gjatë javës së 6-të të “Abissnet Superiore”, si edhe në Kategorinë e Parë.

Të lidhura

None found

Partizani dhe Tirana janë ndëshkuar me nga 100.000 lekë të rinj për sjelljen e tifozëve në stadiumin “Air Albania”. Ndërkohë, Dinamo është gjobitur me 50.000 lekë të rinj për vonesa të përsëritura në nisjen e ndeshjes, pavarësisht paralajmërimit të mëparshëm.

Komisioni ka pezulluar gjithashtu lojtarin e Teutës, Muco Boci, për 2 ndeshje, për shkak të lojës së rëndë ndaj kundërshtarit. Në Kategorinë e Parë, Besa dhe Besëlidhja janë dënuar me nga 50.000 lekë të rinj.

VENDIMET E DISIPLINËS:

FK Partizani, për sjelljen e pahijshme të spektatorëve, të cilët ndezën flakadanë dhe mjete të tjera piroteknike, si dhe përdorën kore fyese ndaj ekipit dhe tifozëve kundërshtarë, dënohet me gjobë prej 100.000 (njëqind mijë) lekësh, në bazë të neneve 17/2/c dhe 17/2/e të KDE.

FK Partizani duhet të dëmshpërblejë dëmet e shkaktuara në stadiumin “Air Albania”, sipas aktkonstatimit përkatës, brenda 15 (pesëmbëdhjetë) ditëve.

KF Tirana, për sjelljen e gabuar të tifozëve, të cilët hodhën sende në fushën e lojës dhe përdorën kore fyese ndaj ekipit dhe tifozerisë kundërshtare, dënohet me 100.000 (njëqind mijë) lekë gjobë, bazuar në nenet 17/2/b dhe 17/2/e të KDE.

KF Tirana urdhërohet të shlyejë dëmet e shkaktuara në stadiumin “Air Albania”, sipas aktkonstatimit përkatës, brenda 15 (pesëmbëdhjetë) ditëve.

FC Dinamo City, për shkelje të Rregullores së Aktivitetit dhe shkaktim të përsëritur të vonesave në fillimin e ndeshjes, në kundërshtim me detyrimin për respektimin e orarit zyrtar dhe plotësimin e protokolleve përkatëse, dënohet me 50.000 (pesëdhjetë mijë) lekë gjobë, në bazë të nenit 50/7 të Rregullores së Aktivitetit dhe nenit 8 të KDE.

Muco Boci, lojtar i KF Teuta, për lojë të rëndë ndaj kundërshtarëve, pezullohet për 2 (dy) ndeshje nga aktiviteti, në zbatim të nenit 14/1/e të KDE.

FC Besa, për mungesë të masave të nevojshme për garantimin e sigurisë dhe mbarëvajtjes së takimit, si dhe për mosrespektim të Rregullores së Aktivitetit, dënohet me gjobë 50.000 (pesëdhjetë mijë) lekë, bazuar në nenet 8/1 dhe 17/1 të KDE. Në zbatim të nenit 76/1/b të KDE, kjo gjobë aplikohet në masën 50%.

KF Besëlidhja, për sjelljen e gabuar të spektatorëve, të cilët hodhën sende në fushë duke rrezikuar sigurinë e zyrtarëve dhe lojtarëve të ekipit kundërshtar, dënohet me 50.000 (pesëdhjetë mijë) lekë gjobë, në bazë të nenit 17/2/b të KDE. Sipas nenit 76/1/b të KDE, gjoba aplikohet në masën 50%.

KSP Junior A, U-9, për braktisjen e ndeshjes së vlefshme të Kategorisë së Dytë, Zona Rajonale Tiranë, ndaj Tirona Republic U-9, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, në bazë të nenit 16/1 të KDE. Në përputhje me nenin 76/1/e të KDE, gjoba aplikohet në masën 3%.

Kamza Sport D, U-11, për ndërprerjen e ndeshjes së vlefshme të Kategorisë së Dytë, Zona Rajonale Tiranë, ndaj Sea Akademi U-11, dënohet me 100.000 (njëqind mijë) lekë gjobë dhe e humbet takimin në tavolinë me rezultatin 3-0, bazuar në nenin 16/1 të KDE. Sipas nenit 76/1/e të KDE, gjoba aplikohet në masën 3%.

Daniel Hoxha, lojtar i FC Drita U-15, për lojë të rëndë ndaj lojtarëve kundërshtarë, dënohet me 2 (dy) ndeshje pezullim nga aktiviteti, në bazë të nenit 14/1/e të KDE.

Orgito Metaj, lojtar i AF Dajti U-16, për sjellje josportive ndaj zyrtarëve të ndeshjes, dënohet me 4 (katër) ndeshje pezullim nga aktiviteti, në zbatim të nenit 14/1/j të KDE.

KF Burreli U-17, për braktisjen e ndeshjes së vlefshme të Kategorisë së Dytë, Zona Rajonale Tiranë, kundër KF Spartaku U-17, gjobitet me 100.000 (njëqind mijë) lekë dhe e humbet ndeshjen në tavolinë me rezultatin 3-0, sipas nenit 16/1 të KDE. Në bazë të nenit 76/1/e të KDE, gjoba aplikohet në masën 3%.

AC Dinamo B, U-10, për mosplotësim të detyrimeve dhe përgjegjësive, duke sjellë braktisjen e ndeshjes së vlefshme të Kategorisë së Dytë U-10, Zona Rajonale Tiranë, kundër Falkon U-10, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, në bazë të nenit 16/1 të KDE. Sipas nenit 76/1/e të KDE, gjoba aplikohet në masën 3%.

AC Dinamo A, U-10, për mospërmbushje të detyrimeve dhe përgjegjësive që shkaktuan braktisjen e ndeshjes së vlefshme të Kategorisë së Dytë U-10, Zona Rajonale Tiranë, kundër Tirana King A, U-10, gjobitet me 100.000 (njëqind mijë) lekë dhe e humbet ndeshjen në tavolinë me rezultatin 3-0, në bazë të nenit 16/1 të KDE. Në zbatim të nenit 76/1/e të KDE, gjoba aplikohet në masën 3%.

AP Dinamo A, U-11, për mosrespektim të detyrimeve dhe përgjegjësive, duke shkaktuar braktisjen e ndeshjes së vlefshme të Kategorisë së Dytë U-11, Zona Rajonale Tiranë, kundër Etien Academy U-11, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, bazuar në nenin 16/1 të KDE. Sipas nenit 76/1/e të KDE, gjoba aplikohet në masën 3%.

AC Dinamo B, U-11, për mospërmbushje të detyrimeve dhe përgjegjësive, që çuan në braktisjen e ndeshjes së vlefshme të Kategorisë së Dytë U-11, Zona Rajonale Tiranë, kundër Triumph B U-11, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, në bazë të nenit 16/1 të KDE. Në zbatim të nenit 76/1/e të KDE, gjoba aplikohet në masën 3%.

Don Bosko U-15, për braktisjen e ndeshjes së vlefshme të Kategorisë së Dytë, Zona Rajonale Tiranë, ndaj Etien Academy U-15, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, sipas nenit 16/1 të KDE. Në bazë të nenit 76/1/e të KDE, gjoba aplikohet në masën 3%.

Astiri U-17, për braktisjen e ndeshjes së vlefshme të Kategorisë së Dytë, Zona Rajonale Tiranë, kundër Tirana Young Stars U-17, dënohet me 100.000 (njëqind mijë) lekë gjobë dhe humbet ndeshjen në tavolinë me rezultatin 3-0, në zbatim të nenit 16/1 të KDE. Sipas nenit 76/1/e të KDE, gjoba aplikohet në masën 3%.

KF Korabi U-17, për braktisjen e ndeshjes së vlefshme të Kategorisë së Dytë, Zona Rajonale Tiranë, ndaj Tirona Republik U-17, gjobitet me 100.000 (njëqind mijë) lekë dhe e humbet takimin në tavolinë me rezultatin 3-0, në bazë të nenit 16/1 të KDE. Në përputhje me nenin 76/1/e të KDE, gjoba aplikohet në masën 3%.

Vendimi mund të ankimohet brenda 3 (tre) ditëve pranë Komisionit të Apelit.

të fundit

From Berlin, Mickoski warns of a difficult winter for North Macedonia and Europe

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

49 minutes ago

Coronavirus returns in North Macedonia as flu spreads rapidly

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

50 minutes ago

Chaos at Skopje’s “8 Shtatori” hospital: fire on seventh floor, patients evacuated

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

50 minutes ago

Nga Berlini, Mickoski paralajmëron dimër të vështirë për Maqedoninë e Veriut dhe Evropën

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

1 hour ago

Rikthehet koronavirusi në Maqedoninë e Veriut, ndërsa gripi përhapet me ritëm të shpejtë

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

1 hour ago

Kaos në spitalin “8 Shtatori” të Shkupit: Zjarr në katin e shtatë, pacientët evakuohen

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

1 hour ago