Cubarsi: Konkurrenca dhe forca e grupit po e çojnë Spanjën drejt suksesit

Pau Cubarsi dha një kontribut vendimtar në triumfin 2-0 të Spanjës kundër Francës në gjysmëfinalen e Kupës së Botës 2026. Mbrojtësi i ri qendror zhvilloi një ndeshje shumë të mirë, duke arritur të neutralizojë Kylian Mbappen.

Pas suksesit që i siguroi Spanjës finalen e madhe, futbollisti i Barcelonës theksoi se rruga e “La Roja” nuk mbështetet vetëm te lojtarët që aktivizohen në fushë, por te i gjithë grupi.

“Jemi në formë të mirë, por mendoj se të gjithë po na ndihmojnë. Edhe lojtarët që nuk kanë luajtur shumë po na ndihmojnë të përmirësohemi. Ata po na shtyjnë përpara”, deklaroi Cubarsi.

Sipas qendërmbrojtësit spanjoll, gara e vazhdueshme mes lojtarëve për një vend në formacion ka ndikuar ndjeshëm në paraqitjet e suksesshme të Spanjës gjatë këtij Botërori.

“Ne e dimë që çdo lojtar mund të bëjë një hap përpara në çdo moment dhe të zërë vendin tonë. Konkurrenca brenda skuadrës na bën më të mirë”, u shpreh ai.

Spanja ishte superiore ndaj Francës në gjysmëfinale dhe, pas kësaj paraqitjeje bindëse, shumë e konsiderojnë favoriten kryesore për të fituar trofeun më 19 korrik.