Cubarsi kërkon kujdes maksimal ndaj Mbappes para El Clasicos: Mund ta vendosë ndeshjen në çdo çast

Pau Cubarsi u ka tërhequr vëmendjen bashkëlojtarëve te Barcelona për rrezikun që përbën Kylian Mbappe, përpara El Clasicos së së dielës kundër Real Madridit.

Mbrojtësi spanjoll vlerësoi aftësitë e sulmuesit francez dhe tha se për ta ndalur, katalanasit do të duhet të ruajnë përqendrimin dhe disiplinën gjatë gjithë takimit.

“Mbappe ka potencial të jashtëzakonshëm dhe mund të ndikojë në rezultatin e një ndeshjeje vetëm me cilësitë e tij individuale”, u shpreh Cubarsi.

Ai nënvizoi se mbrojtja e Barcelonës nuk duhet të ketë asnjë çast shpërqendrimi, pasi Mbappe mund të përfitojë edhe nga hapësirat më të vogla për të bërë diferencën.

“Duhet të jemi të përqendruar për të gjitha 90 minutat. E dimë që ai mund ta vendosë ndeshjen në çdo moment, ndaj duhet të jemi maksimalisht të vëmendshëm kur luajmë kundër tij”, shtoi mbrojtësi.

Sipas Cubarsit, Barcelona duhet t’i qëndrojë besnike planit taktik dhe të ruajë rregullin në mbrojtje nga fillimi deri në fund, për të ulur ndikimin e sulmuesit francez.

Takimi me Real Madridin do të jetë një provë e rëndësishme për repartin defensiv të katalanasve. Cubarsit pritet t’i duhet të përballet me shpejtësinë, lëvizjet dhe aftësinë për të shënuar të Mbappes.

Barcelona kërkon të ruajë kreun e La Ligës, ndërsa El Clasico pritet të peshojë shumë në garën për titullin kampion.