CR7 takohet me agjentin e tij, ‘The Sun’ raporton se ai kërkon largimin

Periudha e dytë e Cristiano Ronaldos te Manchester United mund të marrë fund pas vetëm një sezoni.

Portugezi u kthye në Old Trafford nga Juventusi verën e kaluar, ku vendosi të  largohej pasi kishte filluar sezoni 2021/22. Tani, në mes të të njëjtit sezon, ai po mendon një largim nga Manchester United.

Sipas ‘The Sun’, Cristiano ka thirrur agjentin Jorge Mendes për të zhvilluar “bisedime për krizën”, duke bërë që Mendes të fluturojë për në Manchester për t’u takuar me klientin e tij.

Emërimi i Ralf Rangnick si trajner i përkohshëm pas shkarkimit të Ole Gunnar Solskjaer nuk ka pasur ndikimin e dëshiruar dhe thuhet se ka lënë një numër lojtarësh të pakënaqur, mes të cilëve edhe Cristianon.

“Cristiano është shumë i shqetësuar për atë që po ndodh në United”, tha një burim i afërt me lojtarin për ‘The Sun’.

“Ekipi po merr shumë kritika dhe ai e di se ai konsiderohet si një nga liderët.

Ka mjaft probleme dhe Cristiano po ndjen presionin dhe është shumë i stresuar nga situata. Ai dëshiron dëshpërimisht që lëvizja e tij në United të jetë një sukses, por ai ka filluar të kuptojë se fitimi i trofeve me formacionin aktual mund të jetë një luftë e vërtetë.

Jorge erdhi për ta parë atë dhe ata kaluan kohë duke biseduar se si po shkojnë gjërat, çfarë mendojnë ata janë problemet, si mund të zgjidhen dhe cilat mund të jenë zgjidhjet. Asgjë nuk përjashtohet.”

Numri 7 ka 14 gola në të gjitha kompeticionet këtë sezon./ h.ll/albeu.com