CR7 i theu telefonin, flet mamaja e djalit të sëmurë: Njeriu më arrogant, do e dërgoj në gjyq

Nëna e djalit 14-vjeçar autik, telefoni i të cilit u thye nga Cristiano Ronaldo , e ka cilësuar superyllin si ‘arrogant’ dhe ka në plan ta çojë në gjykatë.

Pas humbjes së Manchester United ndaj Evertonit në Goodison Park sezonin e kaluar, Ronaldo  goditi dorën e Jacob Harding teksa po hynte ne tunel, duke dëmtuar telefonin e djalit.

37-vjeçari kërkoi falje më pas, por u intervistua nga policia në lidhje me sulmin dhe dëmtimin e dyshuar kriminal dhe mori një paralajmërim.

Nëna e Jacob, Sarah Kelly, thotë se ajo refuzoi mundësinë për të takuar Ronaldon pas incidentit, por më pas mori një telefonatë nga sulmuesi portugez.

“Ai më pyeti nëse do të doja të takoja familjen e tij”, tha ajo për The Mirror . Ai tha: “Unë nuk jam një baba i keq”. Unë i thashë: “Kurrë nuk kam thënë se je baba i keq”.

Ai tha: “Kam pasur një jete të tmerrshëm, kam humbur babin”. Unë i thashë: “Të gjithë kanë një histori të vështirë, kam humbur babin tim i ri, kam pasur kancer”.

“Ai kurrë nuk iu referua Jakobit me emrin e tij, gjithmonë “djali”. “E di që djali ka probleme”, tha ai. Unë i thashë: “Nuk ka problem, ai ka invaliditet, ti ke probleme”.

Sarah e përshkroi Ronaldon si “njeriun më arrogant me të cilin kam folur ndonjëherë”. Nëna e Merseyside ka në plan të ndërmarrë veprime ligjore kundër yllit dhe United./albeu.com