Categories: sport

Bleart Tolaj sqaron situatën: Jam lojtar i Gjilanit, por do ta ndihmoj Ballkanin në dy ndeshje evropiane

Pas disa ditësh polemikash dhe paqartësish për të ardhmen e tij, Bleart Tolaj ka dalë me një reagim publik, ku ka marrë mbi vete përgjegjësinë për situatën e krijuar dhe ka bërë të ditur se zyrtarisht i përket Gjilanit, ndërsa me pajtimin e të gjitha palëve do të luajë edhe dy ndeshje në Evropë me Ballkanin.

Të lidhura

None found

Sulmuesi, i cili për disa ditë ishte në qendër të diskutimeve në opinionin sportiv në Kosovë, ka vendosur të japë sqarimin e tij lidhur me ngjarjen që shkaktoi shumë debat në futbollin kosovar.

Paqartësia nisi në momentin kur Gjilani e prezantoi zyrtarisht Tolajn si afrim për sezonin e ri, ndërsa jo shumë kohë më pas Ballkani njoftoi se kishte rinovuar kontratën me të. Këto dy komunikata zyrtare prodhuan konfuzion të madh dhe nxiten reagime të shumta nga tifozët dhe komentuesit e futbollit.

Nëpërmjet një postimi në rrjetet sociale, Tolaj ka kërkuar mirëkuptim nga publiku, duke pranuar se konfuzioni i krijuar është përgjegjësi e tij dhe duke nënvizuar se në asnjë moment nuk ka synuar të krijojë vështirësi për ndonjërin prej klubeve.

Ai ka sqaruar se është zyrtarisht futbollist i Gjilanit, por se me mirëkuptimin e të gjitha palëve do të aktivizohet me Ballkanin në dy ndeshjet e ardhshme të Ligwn e Konferencës, përpara se t’i bashkohet plotësisht skuadrës gjilanase.

Po ashtu, sulmuesi ka shprehur falënderim të veçantë për Ballkanin, duke vlerësuar drejtuesit, stafin, bashkëlojtarët dhe tifozët për mbështetjen e deritanishme, ndërsa mirënjohje ka shprehur edhe për Gjilanin për besimin që i është dhënë.

Postimi pa ndërhyrje i Bleart Tolaj

Dua t’i drejtohem opinionit publik për të sqaruar situatën që është krijuar ditëve të fundit rreth meje.

Së pari, dua të bëj të qartë se unë zyrtarisht jam lojtar i Gjilanit. Jam i lumtur për këtë hap në karrierën time dhe i përkushtuar maksimalisht për të dhënë gjithçka për fanellën e klubit.

Ndjej obligim ta pranoj se përgjegjësia për konfuzionin e krijuar bie mbi mua. Më vjen keq që situata u zhvillua në këtë mënyrë dhe që krijoi paqartësi në opinion. Nuk kam pasur asnjëherë qëllim të krijoj polemika apo të vendos ndonjë klub në një pozitë të vështirë.

Ballkani, duke e parë situatën e krijuar dhe duke menduar mbi të gjitha për të mirën time dhe vazhdimësinë e karrierës sime, ka treguar mirëkuptim dhe më ka liruar. Ky është një veprim që e vlerësoj jashtëzakonisht shumë dhe do t’i jem gjithmonë mirënjohës klubit, drejtuesve, stafit, bashkëlojtarëve dhe tifozëve për gjithçka që kemi përjetuar së bashku.

Me mirëkuptimin e të gjitha palëve, do të angazhohem për ta ndihmuar Ballkanin në dy ndeshjet e radhës në Conference League. Pas përfundimit të këtij angazhimi, do t’i bashkohem plotësisht Gjilanit, ku do të jem i fokusuar maksimalisht për të dhënë më të mirën dhe për të justifikuar besimin që më është dhënë.

Falënderoj sinqerisht të dy klubet për korrektësinë dhe respektin që kanë treguar ndaj meje. Ballkani do të ketë gjithmonë një vend të veçantë në zemrën time dhe jam i bindur se marrëdhënia jonë do të mbetet gjithmonë e bazuar në respekt, mirënjohje dhe miqësi. Do të mbesim gjithmonë miq, duke i uruar njëri-tjetrit vetëm suksese në rrugëtimin tonë.

Kërkoj mirëkuptim nga të gjithë për situatën e krijuar dhe shpresoj që me këtë sqarim të mbyllet çdo keqkuptim. Tani fokusi im është vetëm te futbolli, puna dhe respektimi i çdo detyrimi që kam marrë përsipër.

Faleminderit për mbështetjen.

të fundit

MPB: Gjashtë të ndaluar gjatë kontrolleve rrugore të policisë në Shkup

Gjashtë persona u privuan nga liria, ndërsa janë regjistruar 14 kundërvajtje rrugore gjatë aksionit kontrollues të mbrëmshëm deri në orët…

3 minutes ago

Albanian, the home that keeps us together

nga Lutfi Dervishi Ka kombe që identifikohen me fenë, të tjera me perandoritë, mbretërit apo pushtimet. Ne, të ndarë historikisht…

7 minutes ago

Footage/ El Salvador’s army razes home of Haitian criminal leader, Bukele: This is my gift to the people of Haiti

Presidenti i El Salvadorit, Nayib Bukele, publikoi pamje të dy helikopterëve që shkatërrojnë një shtëpi të madhe në veri të…

8 minutes ago

Shqipja, shtëpia që na mban bashkë

nga Lutfi Dervishi Ka kombe që identifikohen me fenë, të tjera me perandoritë, mbretërit apo pushtimet. Ne, të ndarë historikisht…

19 minutes ago

Zhegrova bind me shifra, kosovari i jep Spallettit arsye për besim më të madh

Edon Zhegrova ka zhvilluar një paraqitje të shkëlqyer në fitoren 4-0 të Juventusit ndaj Venezias, duke qenë një nga lojtarët…

25 minutes ago

Pamjet/ Ushtria e El Salvadorit rrafshon banesën e liderit kriminal haitian, Bukele: Kjo është dhurata ime për popullin e Haitit

Presidenti i El Salvadorit, Nayib Bukele, publikoi pamje të dy helikopterëve që shkatërrojnë një shtëpi të madhe në veri të…

26 minutes ago