Barcelona shumë pranë transferimit të spanjollit, oferta e fundit tundon anglezët

Barcelona dhe Manchester City janë të angazhuar në bisedime për një marrëveshje që do të shihte Ferran Torres të shkojë në Camp Nou.

Të mërkurën, më 22 dhjetor, Blaugrana ngriti ofertën e tyre në 55 milionë euro plus 10 milionë euro shtesë për 21-vjeçarin pasi dy ofertat e tyre të para prej 45 milionë euro dhe 50 milionë euro u refuzuan nga City.

Klubi i Premierligës i tha Barcelonës se Ferran do t’i kushtonte 70 milionë euro dhe tani ata janë afër kësaj shifre, oferta po mendohet në stadiumin Etihad.

Oferta e parë

Barcelona kontaktoi fillimisht me Manchester Cityn disa javë më parë për t’i informuar ata për interesimin e tyre në Ferran, të cilin Xavi Hernandez dëshiron ta sjellë në Camp Nou.

Megjithatë, oferta hapëse e klubit katalanas prej 45 milionë eurosh u refuzua menjëherë nga City.

Pep Guardiola ka dhënë dritën jeshile që Ferran të shitet pasi ai nuk është një lojtar i rëndësishëm, por vetëm në bazë të faktit që City të marrë një tarifë që është me vlerë tregu.

City i tha Barcelonës se ata e vlerësojnë spanjollin në 70 milionë euro, dhe Blaugrana më pas bëri një ofertë më vonë prej 50 milionë euro plus shtesa, por edhe kjo u refuzua.

Oferta e fundit

Këtë të mërkurë, Barcelona u rikthye te Manchester City me një ofertë prej 55 milionë euro plus 10 milionë euro shtesë, e cila tani është në shqyrtim nga klubi anglez pasi është afër çmimit të tyre të kërkuar.

Marrëveshja nuk është mbyllur ende pasi dy klubet vazhdojnë të negociojnë, me Krishtlindjet që janë caktuar si afat, por tani duket se Ferran po i afrohet gjithnjë e më shumë kthimit në Spanjë dhe bashkimit me Barcelonën./ h.ll/albeu.com