Categories: sport

Barcelona rikthehet te fitorja me golejadë, Alavesi mposhtet 6-1

Barcelona ka reaguar pas dy humbjeve të njëpasnjëshme ndaj Paris Saint-Germainit dhe Real Madridit, duke mposhtur bindshëm Alavesin me shifrat 6-1 në përballjen e javës së 11-të të La Ligës.

Katalunasit e morën kontrollin e ndeshjes që në minutat e para dhe nuk i dhanë kundërshtarit mundësi të rikthehej në lojë.

Të lidhura

None found

Avantazhi u vendos në minutën e tetë, kur Raphinha finalizoi një aksion të rrjedhshëm të Barcelonës. Fermin Lopez më pas e çoi rezultatin në 2-0 në minutën e 23-të, pas një pasimi të gjatë të Lamine Yamalit.

Raphinha shënoi përsëri në minutën e 41-të, këtë herë pas asistimit të Fermin Lopezit, duke i dhënë Barcelonës epërsinë 3-0. Në shtesën e pjesës së parë, Lamine Yamal realizoi një gol nga distanca pas shërbimit të Joao Cancelos dhe skuadrat shkuan në pushim me rezultatin 4-0.

Edhe pas rikthimit nga dhomat e zhveshjes, Barcelona vazhdoi të sulmonte. Yamal e gjeti sërish rrjetën në minutën e 64-të, me golin që u vlerësua si i rregullt edhe pas kontrollit të VAR-it.

Në minutën e 81-të, ylli i Barcelonës u shfaq përsëri në aksion, duke i dhënë pasimin Anthony Gordonit. Ky i fundit e mposhti portierin me një parabolë të bukur për 6-0.

Alavesi shënoi golin e vetëm në minutën e 84-të. Mariano Diaz goditi fuqishëm nga jashtë zonës dhe fiksoi rezultatin përfundimtar në 6-1.

Me këtë sukses, Barcelona u rikthye te fitorja pas dy disfatave radhazi dhe vazhdon të kryesojë kampionatin spanjoll.

Katalunasit kanë grumbulluar 30 pikë, dy më shumë se Atletico Madridi, që mban vendin e dytë, ndërsa diferenca me Real Madridin e vendit të tretë është gjashtë pikë. Reali do të luajë të dielën në transfertë kundër Racing Santander.

të fundit

Europe heads toward an electoral supercycle / The Guardian: The 2027 elections could shake the foundations of the European Union

Evropa po hyn në një periudhë vendimtare zgjedhore, ku rezultatet e votimeve në disa prej vendeve më të mëdha të…

57 minutes ago

Xavi Espart, talenti i Barcelonës: Kurrë nuk do të luaja për Real Madridin

Talenti i Barcelonës, Xavi Espart, ka bërë të qartë se nuk e sheh veten asnjëherë duke luajtur për rivalin e…

59 minutes ago

Detaje të reja shqetësuese: Musiala kaloi vetëm dy episode neurologjike gjatë 12 javëve të rikuperimit

Jamal Musiala ka përjetuar vetëm dy episode neurologjike gjatë periudhës 12-javore të rikuperimit nga lëndimi muskulor, pavarësisht shqetësimeve në rritje…

59 minutes ago

Nga puna te dashuria/ Horoskopi për sot, 23 Nentor 2026

Dashi Çdo aktivitet i mundshëm do të jetë i mirë për ju. Do të përpiqeni që çdo gjë ta shikoni…

1 hour ago

Futbollisti i Villarrealit plas akuza ndaj Barcelonës: Na e vodhën ndeshjen, ashtu si në Bernabeu

Villarreali është larguar i revoltuar nga “Spotify Camp Nou”, pas humbjes 3-2 nga Barcelona, duke shprehur pakënaqësi të mëdha ndaj…

1 hour ago

Evropa drejt një supercikli zgjedhor/ The Guardian: Zgjedhjet e vitit 2027 mund të tronditin themelet e Bashkimit Evropian

Evropa po hyn në një periudhë vendimtare zgjedhore, ku rezultatet e votimeve në disa prej vendeve më të mëdha të…

1 hour ago