Barcelona ka njoftuar se do të apelojë gjobën e vendosur nga Federata Mbretërore Spanjolle e Futbollit (RFEF), pas ankesës së Atletico Madridit për Julian Alvarezin.
Edhe pse shuma është e ulët, klubi katalanas nuk pranon se ka shkelur rregullat gjatë përpjekjeve për ta transferuar sulmuesin në afatin kalimtar të verës.
None found
Barcelona synon ta vazhdojë betejën ligjore dhe të kundërshtojë vendimin për gjobën prej 602 eurosh. Masa u mor pas ankesës zyrtare të klubit madrilen.
Atletico Madrid pretendoi se drejtuesit e Barcelonës kishin negociuar në mënyrë të palejuar me Alvarezin, kur ai ishte ende nën kontratë me klubin. Pretendimi shtoi tensionet mes dy skuadrave të mëdha të La Ligës.
Komiteti i Jashtëzakonshëm i RFEF-së e cilësoi veprimin e Barcelonës “shkelje të lehtë”, në bazë të nenit 133 të kodit disiplinor të federatës. FIFA, fillimisht, kishte deklaruar se nuk kishte kompetencë të shqyrtonte hollësitë e kësaj mosmarrëveshjeje vendore.
Sipas SPORT, drejtuesit e Barcelonës duan të mbrojnë reputacionin e klubit, pavarësisht se bëhet fjalë për një gjobë të vogël. Ata insistojnë se vepruan sipas rregullave në përpjekjen për të siguruar shërbimet e Alvarezit.
Juristët e klubit besojnë se pagimi i gjobës do të interpretohej si pranim i fajësisë.
Barcelona këmbëngul se ndoqi procedurën e zakonshme dhe i dërgoi Atletico Madridit një ofertë zyrtare.
Sipas klubit katalanas, fakti që Atletico nuk iu përgjigj ofertës nuk duhej ta pengonte shqyrtimin e transferimit, sidomos pasi lojtari kishte shprehur dëshirën për t’u transferuar në kryeqytetin katalanas.
Gjyqtari Christopher Gosnell tha se gjatë vizitës së Isni Kilajt në Qendrën e Paraburgimit në Hagë, më 6 tetor 2023,…
Ministri i Punëve të Brendshme, Ervin Demo, ka firmosur urdhrin për uljen e tarifave të pajisjes me pasaporta dhe karta…
Lojtari i ri i Getafes, Dani Carvajal, ka folur hapur rreth largimit të tij nga Real Madridi verën e këtij…
Ish- kreu i Bashkisë së Divjakës, Fredi Kokoneshi, është dënuar me 1 vit burgim për veprën penale të “Shpërdorimit të…
Gjyqtari Christopher Gosnell tha se Hashim Thaçi dhe Bashkim Smakaj akuzohen për tentativë të pengimit të personave zyrtarë në kryerjen…
Gjyqtari Christopher Gosnell tha se në rastin e Hashim Thaçit dhe Fadil Fazliut bëhet fjalë për tentativë të pengimit të…