Arsenali po përgatitet për transferimin e Mitomas

Arsenali vazhdon të mendojë për ta përforcuar repartin ofensivë dhe Kaoru Mitoma është një nga lojtarët më të preferuar për tu transferuar në Londër.

Sulmuesi japonez po shkëlqen në vitet e fundit me fanellën e Brighton, derisa pëlqehet shumë nga trajneri i londinezëve Mikel Arteta.

Sky Sport ka raportuar se Topçinjtë janë të etur për ta përforcuar repartin ofensivë dhe do të bëjnë një përpjekje në ditët e fundit të afatit kalimtar të janarit për të nënshkruar me japonezin.

26-vjeçari është i gatshëm ta bëj një hap para në karrierë për t’iu bashkuar një skuadre të madhe derisa po pret që klubi të pranojë ofertën për të.

Gjithnjë sipas mediumit anglez, Arsenal është gati të ofrojë rreth 70 milionë euro për transferimin e sulmuesit anësorë në Emirates Stadium.

Megjithatë skuadra londineze nuk do ta ketë aspak të lehtë të nënshkruajë me të, pasi në garë janë edhe dy gjigantët nga Manchesteri, City dhe United.

Reprezentuesi japonez këtë edicion ka zhvilluar 24 ndeshje me fanellën e Brightonit, derisa ka realizuar tre gola dhe ka asistuar në gjashtë të tjerë.