Arsenali po e ndjek me vëmendje situatën e Endrickut te Real Madridi. Në fund të gushtit u raportua se klubi londinez kishte paraqitur një ofertë për sulmuesin brazilian 20-vjeçar, por trajneri Jose Mourinho nuk kishte dhënë miratimin për largimin e tij.
None found
Gjithçka lidhet me minutat e pakta që Endrick ka marrë këtë sezon, pasi deri tani ka qenë në fushë vetëm në një ndeshje dhe për gjithsej katër minuta.
Gazetari i TEAMtalk, Graeme Bailey, bën të ditur se përfaqësuesit e futbollistit pritet të takohen me drejtuesit e Real Madridit gjatë pushimit të kombëtareve. Në këto bisedime do të shqyrtohet situata e sulmuesit dhe e ardhmja e tij në klub.
Arsenali synon ta afrojë Endrickun gjatë afatit kalimtar të janarit, ndërsa agjentët e tij vazhdojnë të ruajnë kontakte me klubin nga Londra. Megjithatë, interesimi për brazilianin nuk vjen vetëm nga “Topçinjtë”.
Liverpooli, Manchester City, Manchester United, Tottenhami, Aston Villa dhe Fulhami e kishin ndjekur situatën e Endrickut edhe gjatë afatit kalimtar të verës.
Diskutimet për të ardhmen e tij janë shtuar dhe një mundësi është që sulmuesi të bëhet i disponueshëm në vitin 2027. Paralelisht, po shqyrtohet edhe skenari i një largimi që në janar.
Endrick beson se mund ta ndërtojë suksesin e tij te Real Madridi, ndërsa edhe klubi spanjoll vlerëson potencialin e tij. Sidoqoftë, mungesa e një rruge të qartë drejt formacionit titullar ka krijuar shqetësime, ndaj përfaqësuesit e tij kërkojnë të dinë më saktë se çfarë roli do të ketë ai në të ardhmen.
Real Madridi nuk ka dëshirë të ndahet me futbollistin brazilian, por konkurrenca e fortë për një vend në formacion e ka bërë më të ndërlikuar situatën. Arsenali mbetet një nga klubet më të interesuara për Endrickun, së bashku me disa skuadra të tjera të Ligës Premier.
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Deputeti i Lëvizjes Vetëvendosje, Ilir Kërçeli, ka publikuar të dhënat e Doganës së Kosovës për importin e energjisë elektrike. Sipas…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…
Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…
Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…