Arsenali në pritje të Newcastle pas ofertës zyrtare prej 90 milionë eurosh për Bruno Guimaraes

Arsenali, kampioni në fuqi i Anglisë, ka ndërmarrë një hap konkret dhe me peshë të madhe financiare, duke paraqitur zyrtarisht një ofertë prej 90 milionë eurosh për mesfushorin e Newcastle United, Bruno Guimaraes.

Braziliani 28-vjeçar raportohet se ka pranuar kushtet personale dhe ka arritur një marrëveshje për kontratë afatgjatë deri në vitin 2031, çka tregon qartë vullnetin e tij për t’u transferuar në Emirates.

Tani, drejtuesit e Arsenalit janë duke pritur përgjigjen e Newcastle për propozimin e tyre, ndërsa ekziston optimizëm i madh se rezistenca e klubit anglez do të kapërcehet dhe operacioni spektakolar do të mbyllet zyrtarisht gjatë ditëve të ardhshme.

Gazetari i njohur Nicolo Schira ka shkruar se Arsenali pret reagimin e Newcastle ndaj ofertës prej 90 milionë eurosh për Guimaraes, i cili tashmë ka një marrëveshje të plotë me Topçinjtë për një kontratë të vlefshme deri në vitin 2031.

Sipas Schiras, klubi londinez është i bindur se do të gjejë gjuhën e përbashkët me Newcastle United FC dhe se marrëveshja do të finalizohet në ditët në vijim.

Transferimi i Guimaraes do t’i siguronte Arsenalit një futbollist cilësor dhe të dëshmuar në repartin e mesfushës, duke i dhënë shtysë të mëtejshme synimeve të klubit në kampionat dhe në Ligën e Kampionëve.

Guimaraes iu bashkua Newcastle United më 30 janar 2022, gjatë afatit kalimtar dimëror, pasi u transferua nga Lyoni i Francës për një shumë të raportuar prej 50 milionë eurosh.