Anglia shkatërron Francën me katër gola brenda pjesës së parë

Përballja për medaljen e bronztë në Kupën e Botës 2026 mes Francës dhe Anglisë ka sjellë një pjesë të parë spektakolare, me “Tre Luanët” që kanë dominuar bindshëm.

Anglia e ka mbyllur 45-minutëshin e parë në epërsi të thellë 0-4, duke treguar efikasitet shumë më të lartë përballë Francës.

Vetëm pas tre minutash lojë, Declan Rice zhbllokoi rezultatin me një goditje fantastike nga distanca.

Bukayo Saka e dërgoi më pas topin në rrjetë, por goli i tij nuk u pranua për shkak të pozitës jashtë loje. Epërsia u dyfishua nga Ezri Konsa, i cili realizoi me kokë pas harkimit të Rice.

Goli i tretë i anglezëve erdhi në minutën e 37-të, kur Marcus Rashford finalizoi një aksion të ndërtuar në bashkëpunim me Bukayo Sakan.

Franca pati dy mundësi me Kylian Mbappe, por sulmuesi i Realit nuk arriti t’i konkretizonte rastet e krijuara.

Në minutat shtesë të pjesës së parë, Saka u rikthye protagonist duke shënuar një gol të bukur për rezultatin 0-4 në minutën e 45+2′.

Tashmë mbetet për t’u parë nëse “Gjelat” do të provojnë një rikthim të pabesueshëm në këtë ndeshje apo nëse janë pajtuar me humbjen.