Angli-Argjentinë, zyrtarizohen rreshtimet për duelin që vendos finalisten

Janë bërë publike formacionet startuese të supersfidës mes Anglisë dhe Argjentinës, e cila përcakton një prej skuadrave që do të shkojë në finalen e Kupës së Botës 2026.

Anglia e drejtuar nga Tomas Tuchel paraqitet me zgjedhjet më të mira në dispozicion. Harry Kane mban shiritin e kapitenit dhe do të prijë repartin ofensiv, ndërsa në qendër të fushës Rice dhe Anderson do të përballen me mesfushorët argjentinas.

Nga ana tjetër, Argjentina, kampione në fuqi e botës, synon të vazhdojë rrugën për mbrojtjen e trofeut. Lionel Messi mbetet figura kryesore e skuadrës në një prej përballjeve më të rëndësishme të këtij turneu.

Lionel Scaloi i ka besuar një skuadre me shumë përvojë. Përkrah Messit në sulm do të jetë Julián Álvarez, ndërsa në mesfushë vendosen Enzo Fernández, Alexis Mac Allister dhe Leandro Paredes.

Dueli Angli-Argjentinë rikthen një nga rivalitetet më të mëdha të historisë së futbollit, me emocionet, historinë dhe një vend mes katër ekipeve më të mira të botës në lojë.

Anglia: Pickford; James, Stones, Guehi, Spence; Anderson, Rice; Rogers, Bellingham, Gordon; Harry Kane.

Argjentina: Martínez; Molina, Romero, Lisandro Martínez, Tagliafico; Giuliano Simeone, Paredes, Mac Allister, Enzo; Messi, Julián Álvarez.