Alejandro Balde i komunikon Barcelonës vendimin për të ardhmen

Alejandro Balde, mbrojtësi spanjoll 22-vjeçar, i ka bërë të ditur Barcelonës se dëshiron të vazhdojë karrierën në klub, pavarësisht interesimit të ekipeve të tjera.

Fabrizio Romano raporton se lojtari ia ka përcjellë zyrtarisht klubit vendimin e tij, duke shprehur qartë vullnetin për të qëndruar në skuadrën katalanase.

Balde synon të mbetet te ekipi ku është formuar dhe të luftojë për një vend titullari në formacionin e drejtuar nga Hansi Flick.

Barcelona, ndërkohë, ka shqyrtuar mundësinë e shitjes së tij në kuadër të përpjekjeve për të përmirësuar bilancin financiar. Megjithatë, mbrojtësi nuk ka kërkuar largimin nga klubi.

Tashmë, vendimi përfundimtar i takon Barcelonës. Situata mund të ndryshojë vetëm nëse për spanjollin mbërrin një ofertë shumë e lartë nga një klub i madh evropian, përpara mbylljes së afatit kalimtar.

Gjatë javëve të fundit, Balde është përmendur si objektiv i Manchester United, ndërsa raportohet se “Djajtë e Kuq” kanë përgatitur rreth 30 milionë euro për transferimin e tij.