Telefonata që tronditi studion, Bora Zemani dhe konkurrentët e Për’puthen përloten në mes të emisionit

Emisioni Për’Puthen ka marrë një tjetër rrjedhë gjatë ditës së sotme.

Astriti mori një telefonatë para fillmit të programit, ku e lajmëruan se babai i tij është në gjendje të keqe shëndetësore. Teksa ishte në gjendje të rënduar emocionale, ai u pyet edhe nga moderatorja Bora Zemani për gjendjen e babait të tij.

“Nuk më tregojnë sepse jam këtu në Tiranë që të mos më mërzisin.”- tha Astriti, i cili nuk i mbajti dot lotët.

Rrushja ishte ajo e cila iu gjend afër për ta mbështetur, ndërsa ai vendosi që të qëndrojë në program për të ndjekur pjesën e fundit të takimit me Rrushen por më pas do të largohej.

Situata e tij preku moderatoren edhe të gjithë konkurrentët e tjerë të cilët u përlotën në studio.

“Ta mbarojmë edhe këtë pjesë edhe pastaj duhet të vazhdoj. Babain e kam pjesën më të rëndësishme të jetës time.”- tha në fund ai.