E kishte për Atdheun? Bora Zemani sqarohet njëherë e mirë: Jam e ftohtë me konkurrentët (FOTO LAJM)

Moderatorja e njohur, Bora Zemani, ishte sot e ftuar në emisionin “Goca dhe Gra” në Top Channel, ku foli për jetën profesionale dhe atë private.

Prej kohesh ne media po perflitet për një histori mes saj dhe Atdheut e cila eshte provokuar ne media vetëm nga ky i fundit.

“Marrëdhënia ime është gjithmonë e ftohtë me konkurrentët”, tha Bora.

“Pse nuk do të përfshihesh në emocione?”, e pyet një ndër moderatoret.

“Jo dua të jem shumë e qetë në punën që bëj unë, sepse ndonjeherë edhe keqkuptohen këto marrëdhëniet, ndoshta edhe pak afrimitet në bakstage ata personazhe mendojnë se të kanë bërë shok ose shoqe”, u shpreh Bora dhe besoj i sqaroi të gjithë.

Gjatë bisedës me katër moderatoret e emisionit, Bora pranoi publikisht se është “single”. Bukuroshja brune tha se është shumë e angazhuar me punën dhe koha që i ngel më pas, e ka të gjithën për djalin e saj.

“Jam single. Nuk na del koha për vete. Edhe në këtë periudhë çuni është në një moshë delikate, do përkushtim, dhe unë jam e angazhuar për shumë punë. Gjithë ajo kohë e zënë me punë, koha tjetër e mbetur është për Arborin dhe s’ke kohë për gjë tjetër. Nuk më mungon me thënë të drejtën se po të doja e kisha gjetur”, tha Bora.

Ndërsa duke bërë krahasimin mes ish-konkurrentëve të “Për’puthen” dhe atyre të sezonit të tanishëm, moderatorja tha se “si ai skandali i Teas nuk besoj se do ketë”.

“Konkurrentët e këtij sezoni më duket sikur i ekzagjerojnë gjërat më shumë seç duhet. Nëse sezonin e kaluar kishte arsye se debatonin dhe më pas ngrinin zërin, tani edhe një gjë e vogël merret si ters. Ndoshta duan që t’i paraprijnë që në fillim, që mos të duken si të urtë”, tha moderatorja e “Për’puthen”.