Rasti “Klea Prenga”, Fevziu: Tregon sa poshtë ka degraduar shoqëria shqiptare

Gazetari dhe moderatori Blendi Fevziu ka reaguar pas ngjarjes së rëndë, ku 24-vjeçarja Klea Prenga u dhuna brutalisht në një nga restorantet e Tiranës. Fevziu përmes një video mesazhi shprehet se nuk dëshiron të merret me motivet, por sipas tij kjo ngjarje tregon degradimin e rëndë të shoqërisë shqiptare. Ai bën thirrje për distancim nga dhuna dhe nga të tilla personazhe, që sipas tij nuk duhet të promovohen në media.

Një video e bërë virale në rrjetet sociale tregon një vajzë të masakruar në fytyrë. Sipas mediave sociale bëhet fjalë për dy vajza të tjera që e kanë masakruar për arsye xhelozie. Nuk dua t’i hy fare motiveve që kanë çuar në këtë ngjarje. Kjo ngjarje është një kambanë alarmi për të gjithë shoqërinë shqiptare, që tregon se sa ka rënë, sa ka degraduar shoqëria shqiptare, kur marrveshjet zgjidhen vetëm përmes dhunës. Ne kemi pasur raste që shoqërua mashkullore shqiptare i ka zgjidhur sherret konfliktet përmes dhunës. Por përfshirja e vajzave edhe grave tregon që kjo shoqëri ka një degradim të rëndë që ne nuk duhet ta lejojmë. Zgjidhja përmes dhunës është është një karakteristikë e shoqërive të paemancipuara, primitive. Ndoshta është faji i yni që i promovojmë këto figura. Shmangni dhunën, dhuna është kriminale nuk tolerohet për asnjë motiv.