Pedagogia e njohur: Shqiptarët kanë zgjuarsi të lindur, të parët kudo që shkojnë

Elena Kocaqi, pedagoge dhe historiane jo rrallë herë është përfolur për deklaratat e saj. Këtë herë ajo thotë se shqiptarët janë inteligjentë dhe kanë një zgjuarsi natyrale.

Kocaqi u shpreh se fëmijët shqiptarë dalin të parët nëpër botë, pasi kanë inteligjencë natyrore të lindur.

“Inteligjenca është disa llojëshe, ka inteligjencë muzikore, matematikore; ka inteligjencë që matet për aftësitë konjutive të individit dhe për aftësitë e lindura të individit. Shqiptarët kanë një zgjuarsi natyrale.

Po të marrësh një raportim të austriakëve në Shqipëri, që e kanë parë nga arkivi, të Komandatit të Përgjithshëm Ushtarak për Shqipërinë, thoshte se shqiptarët janë të prirur për t’u shkolluar. Po të marrësh fëmijët e Shqipërisë t’i dërgosh në Evropë dhe SHBA, pse janë të parët? Kanë një inteligjencë natyrore të lindur”, theksoi ajo.