Policia kufitare e Vlorës ka nisur hetimet për një 34-vjeçar i cili fshehu në automjet 17 mijë euro me qëllim mosdeklarimin e tyre conform ligjit.
Shërbimet e Policisë Kufitare në port Vlorë, në bashkëpunim me Frontex-in, përfaqësuesit e Guardia di Finanza-s në Vlorë dhe autoritetet doganore në këtë port, bazuar në analizën e riskut, kanë intensifikuar kontrollet me qëllim parandalimin, evidentimin dhe goditjen e trafikimit të shumave monetare, lëndëve narkotike, armëve të zjarrit dhe goditjen e çdo paligjshmërie tjetër kufitare. Në këtë kuadër, në hyrje të RSH-së, kanë kaluar në vijën e dytë, për kontroll më të imtësishëm, autobusin me drejtues shtetasin R. M.
None found
Gjatë kontrollit të ushtruar në këtë automjet, në valixhen me sendet personale të drejtuesit, shërbimet e Policisë gjetën 17 000 euro, të padeklaruara nga shtetasi R. M., konform ligjeve në fuqi.
Shuma e parave u sekuestrua në cilësinë e provës materiale.
Në përfundim të veprimeve procedurale për këtë rast, strukturat hetimore të DVP Vlorë referuan materialet në Prokurori ku nisi procedimi në gjendje të lirë për shtetasin R. M., 34 vjeç, banues në Fier, për veprën penale “Mosdeklarimi në kufi i të hollave dhe i sendeve me vlerë”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./Albeu.com.
LSDM vlerësoi se në vend të një standardi më të mirë jetese dhe pagave më të larta, qytetarët janë përballur…
Ditën e sotme rreth orës 10:35, një ngjajre tragjike është regjistruar në lagjen nr. 13, Durrës, ku sipas informacioneve policore,…
Një sondazh i ri tregon se dy të tretat e qytetarëve të Bashkimit Evropian do ta mbështesnin rikthimin e Mbretërisë…
Prania e një mbreti dhe mbretëreshe në zhveshtore pas një ndeshjeje futbolli është e pazakontë. Akoma më e çuditshme bëhet…
Një episod i pazakontë shënoi ndeshjen mes Paraguait dhe Turqisë në Kupën e Botës 2026, ku protagonisti u bë mesfushori…
Eurodeputetja bullgare Rada Lajkova reagoi ndaj incidentit ku para Ambasadës Bullgare në Shkup, u dogjën automjete diplomatike, duke kritikuar institucionet…