shqiperi

Fluksi i automjeteve drejt zonave bregdetare, shtohen kontrollet dhe masat nga policia

Nisur nga shtimi i fluksit të automjeteve, kryesisht drejt zonave bregdetare, turistike dhe qendrave tregtare e urbane, Policia Rrugore në të gjithë vendin ka marrë një sërë masash shtesë, për rritjen e parametrave të sigurisë rrugore.

Në të gjitha akset nacionale dhe qendrat e mëdhaja urbane janë intensifikuar monitorimet me mjetet inteligjente, radarët automatikë, me kamera dhe me patrulla të lëvizshme me mjete të paloguara.

Të lidhura

None found

Gjatë kësaj jave, në të gjithë vendin, si rezultat i monitorimit, nga shërbimet e Policisë Rrugore, janë evidentuar dhe arrestuar në të gjithë vendin, 45 drejtues mjetesh, për drejtim mjeti në gjendje të dehur,  pa leje drejtimi apo në efektin e lëndëve narkotike.

Janë pezulluar 109 leje drejtimi, kryesisht për shpejtësi tej normave të lejuara dhe për drejtim mjeti në efektin e alkoolit apo të lëndëve narkotike.

Janë goditur nga Policia Rrugore e Tiranës, 4 raste të tentativës për të korruptuar punonjësit e Policisë Rrugore, nga drejtuesit e automjeteve, me qëllim shmangien e masës adiministrative për shkeljen e kryer.

Në të gjithë vendin janë evidentuar dhe ndëshkuar me masë administrative gjithsej 27 377 drejtues automjetesh dhe motomjetesh, për shkelje të ndryshme, nga këto:

1254 drejtues automjetesh që përdornin celularin gjatë drejtimit të automjetit;

7845 drejtues automjetesh që qarkullonin me shpejtësi tej normave të lejuara, por pa masën plotësuese pezullim i lejes së drejtimit;

1516 drejtues automjetesh, për mosvendosje të rripit të sigurimit;

13 543 drejtues automjetesh, për parkime të gabuara;

351 drejtues motomjetesh, për mosvendosje të kaskës mbrojtëse.

2306 drejtues mjetesh janë ndëshkuar për parakalim të gabuar.

562 për shkelje të tjera të Kodit Rrugor.

“Policia apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, pasi të gjitha rrugët monitorohen nga mjetet inteligjente dhe patrullat e lëvizshme të Policisë Rrugore. Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.”

të fundit

Dua Lipa tregon cila ishte shprehja shqipe më e përsëritur në familjen e saj

Këngëtarja shqiptare me famë botërore, Dua Lipa, ka ndarë një moment të këndshëm nga fëmijëria e saj, duke treguar se…

6 minutes ago

Aktgjykimi i ri ndaj Thaçit dhe rreziku i tensioneve të reja në Kosovë

Vendimi i 17 nëntorit i Dhomave të Specializuara në Hagë, të njohura edhe si Gjykata Speciale, me të cilin ish-presidenti…

19 minutes ago

Si të sigurojmë vitaminë D të mjaftueshme gjatë dimrit?

Vitamina D: Si ta marrim mjaftueshëm gjatë dimrit? — Klan Kosova [...]Read More...

21 minutes ago

Rrezik nga sulmet ajrore në dy rajone polake pas ofensivës ruse në Ukrainë

Banorët e rajoneve Lublin dhe Podkarpackie, në kufi me Ukrainën, kanë marrë mesazhe alarmi për rrezikun e një sulmi ajror,…

22 minutes ago

Një pilulë e re ngjall shpresë të madhe për trajtimin e kancerit të pankreasit

Shpresë e madhe për një pilulë kundër kancerit të pankreasit — Klan Kosova [...]Read More...

22 minutes ago

Ademi: OBRM-PDUKM is our opponent, VLEN is not even consulted about its own ministers

Sekretar i Përgjithshëm i BDI-së, Arbër Ademi, në emisionin “Debat në Shenja”, ka hedhur poshtë pretendimet se BDI është e…

28 minutes ago