Moment i sikletshëm: Dua Lipa injorohet nga Billie Eilish në Critics Choice Awards

Është bërë virale së fundmi një video e Dua Lipës në ceremoninë e ndarjes së çmimeve, Critics Choice Awards 2024.

Bëhet fjalë për një moment të sikletshëm kur artistja shqiptare ishte injoruar nga Billie Eilish.

Ylli britaniko-shqiptar i popit, 28 vjeçare dhe këngëtarja e “Ocean Eyes”, 22 vjeçe, morën pjesë më 14 janar në eventin prestigjioz për nder të filmit të drejtuar nga Greta Gerwig, “Barbie”.

Kënga e Lipës “Dance the Night” u nominua për ‘këngën më të mirë’, ndërsa Eilish gjithashtu ishte nominuar në të njëjtën kategori për “What Was I Made For?”

Dyshja dukej se ishin ulur në të njëjtën tryezë gjatë ceremonisë së ndarjes së çmimeve. Në një moment gjatë ngjarjes, Lipa dhe Eilish po shoqëroheshin me yjet e tjerë të Hollivudit. Kamerat më pas kapën këngëtaren e “Levitating” duke u mbështetur në Eilish, duke u përpjekur të pozonin për një foto së bashku.

Lipa u përpoq të pozonte krah për krah me Eilish, e cila me sa duket nuk e vuri re kamerën e drejtuar drejt tyre.

Në vend të kësaj, këngëtarja nuk e kuptoi këtë dhe u ul në tryezën e tyre.

Për t’u rikuperuar nga mosmarrëveshja, këngëtarja e “Don’t Stop Now” drejtoi shpinën dhe qeshi me vete, përpara se të merrte diçka për të ngrënë nga tavolina.

Nuk u desh shumë kohë që fansat me sy shqiponjë të vunë re momentin e sikletshëm dhe të ndanë një video në rrjete sociale.

Që atëherë klipi ka marrë 6.5 milionë shikime në platformë, ndërsa fansat kanë ndarë edhe reagimet e tyre.