sport

Real kërkon hakmarrjen ndaj Mourinhos, sfida e Play Off premton spektakël

Shorti i fazës play-off të Champions League, i ka rezervuar Real Madridit një përballje sa të fortë, aq edhe të mbushur me simbolikë.

Skuadra e drejtuar nga Alvaro Arbeloa, do të ndeshet me Benficën për një vend në 1/8-at e kompeticionit, në një duel që premton tension, emocione dhe kujtime të freskëta për tifozët madrilenë.

Të lidhura

None found

Ndeshja e parë do të luhet në Lisbonë, në stadiumin “Da Luz”, ndërsa vendimtarja do të zhvillohet në “Santiago Bernabéu”, ku Reali synon të përfitojë nga avantazhi i kthimit në shtëpi.

Për Mbappe dhe shokët e tij, kjo transfertë nuk është thjesht një udhëtim europian: është një rikthim në një stadium ku Reali përjetoi një nga mbrëmjet më të dhimbshme të fazës së ligës.

Humbja 4-2 ndaj Benficës dhe goli dramatik i portierit Trubin në minutën e 98-të mbeten ende të gjalla në kujtesën e tifozëve “blancos”, pasi ajo disfatë ndikoi drejtpërdrejt në faktin që madrilenët nuk siguruan kualifikimin direkt në 1/8-at.

Sfida sjell edhe një element tjetër që e rrit temperaturën: rikthimin e José Mourinhos në “Santiago Bernabéu”.

Për trajnerin portugez, kjo do të jetë vizita e parë në stadiumin madrilen pas periudhës kur ai ishte protagonist në pankinën e Realit nga 2010 deri më 2013.

Një rikthim që pritet të shoqërohet me atmosferë të ndezur, për shkak të marrëdhënies së veçantë që “Special One” ka lënë pas në Madrid.

Real Madridi hyn në këtë përballje me një objektiv të qartë: të marrë revanshin për humbjen e fundit dhe të sigurojë kualifikimin në raundin tjetër, duke u mbështetur te përvoja europiane dhe ndeshja e kthimit në shtëpi.

Nga ana tjetër, Benfica do të kërkojë të përsërisë suksesin, duke besuar se mund të bëjë sërish “mrekullinë” përballë një prej favoritëve të turneut.

të fundit

Arsenali dhe Real Madridi nuk heqin dorë nga ndjekja e Michael Olise

Sulmuesi anësor francez i Bayern Munichut, Michael Olise vazhdon të mbetet njëri nga emrat më të përfolur në futbollin evropian,…

15 seconds ago

Dënim me 10 vite burg për 60-vjeçarin që e zgjodhi rastësisht dhe e goditi me thikë në shpinë në Milano

Një 60-vjeçar është dënuar me 10 vite burg në Milano të Italisë, pasi goditi me thikë në shpinë një grua…

6 minutes ago

Tragjedia me 28-vjeçarin shqiptar në Gjermani/ Rrëfehet halla e tij: Babai detyrohet të marrë borxh për të sjellë trupin e të birit në atdhe

Një ngjarje e rëndë ka ndodhur në Gjermani, ku një shqiptar 28-vjeçar i ka dhënë fund jetës, në një kamp…

8 minutes ago

Rritet me 469 denarë shporta minimale sindikale e nëntorit në Maqedoni, shkon në 70.827 denarë

Vlera e shportës minimale sindikale për nëntorin e vitit 2026 është 70.827 denarë, që është një rritje prej 469 denarësh…

16 minutes ago

Haxhiu shpalos planin e punës për Agjendën Parlamentare mbi çështjet e grave dhe barazinë gjinore 2027–2030

Kryetarja e Kuvendit të Kosovës, Albulena Haxhiu, ka bërë të ditur se në Kuvend është prezantuar projektplani i punës për…

18 minutes ago

Arteta tregon si mund të ndikojë GTA 6 te futbollistët e Arsenalit

Trajneri i Arsenalit, Mikel Arteta, ka komentuar ndikimin e mundshëm që mund të ketë videoloja e shumëpritur Grand Theft Auto…

25 minutes ago