Tronditje në rrjetet sociale, influencerja e njohur vdes në moshën 22-vjeçare disa javë pas operacionit në gjoks

Ndarja e papritur nga jeta e brazilianes Maria Eduarda Alves dos Santos, vetëm 22 vjeçe, ka pikëlluar qindra mijëra persona që e ndiqnin në rrjetet sociale.

Në TikTok ajo njihej si Duda Alves dhe numëronte mbi 750 mijë ndjekës. Në videot e publikuara, e reja ndante episode nga jeta e përditshme, rrëfime personale dhe materiale me përmbajtje humoristike.

Familjarët dhe miqtë e saj e kanë konfirmuar lajmin e vdekjes përmes postimeve në rrjetet sociale. Ndërkohë, autoritetet në Brazil kanë hapur një hetim për të sqaruar rrethanat e ngjarjes.

Një nga mundësitë që po hetohet është vetëvrasja, megjithatë deri në këtë fazë nuk është publikuar asnjë konkluzion zyrtar lidhur me shkakun e vdekjes.

Disa javë përpara se të ndërronte jetë, 22-vjeçarja u kishte treguar ndjekësve se kishte vendosur t’i nënshtrohej një mastopeksie, procedurë kirurgjikale që synon ngritjen dhe riformësimin e gjoksit.

Ajo kishte sqaruar se këtë vendim e kishte marrë jo vetëm për motive estetike, por edhe për t’u ndier më rehat gjatë përditshmërisë.

Sipas shpjegimit të saj, gjatësia bënte që gjoksi t’i dukej jo proporcional me trupin, ndërsa kjo gjendje i kishte shkaktuar edhe dhimbje në shpinë.

Duda tregonte se kishte hequr afërsisht gjysmën e asaj që kishte dhe se ndërhyrja lidhej kryesisht me estetikën. Ajo dëshironte të vishte rroba pa reçipeta dhe të kishte më tepër liri.

Pas operacionit, influencerja kishte diskutuar edhe rreth komenteve që i vinin në rrjetet sociale nga ndjekësit meshkuj.

Njoftimi për vdekjen e saj u pasua nga dedikime emocionuese të publikuara prej miqve dhe të afërmve.

Sara Mahdavi, mikja e saj, tha se Duda nuk ishte vetëm shoqja e saj më e mirë, por edhe familja, dashuria dhe shumë më tepër sesa kishte mundur ta imagjinonte ndonjëherë.

Geovana Alves, kushërira e saj 19-vjeçare, u shpreh se kishte pasur privilegjin ta njihte Dudën për 19 vite.

Edhe mikja tjetër, Clarissa Pavie, e përkujtoi 22-vjeçaren për natyrën e saj autentike dhe sensin e humorit.

Varrimi u mbajt të martën në një kishë në São Paulo. Gjatë ceremonisë, babai i së resë falënderoi të gjithë personat që i qëndruan pranë familjes dhe treguan dashurinë e tyre për vajzën.

Autoritetet vazhdojnë hetimet për të përcaktuar rrethanat në të cilat humbi jetën Duda Alves.