“Shikoni ça i keni bo çikës”/ Reagon për herë të parë Adioni pasi Ola quajti Arbanën “kuçkë”

Eliminimi i Adion Pukës nga reality show ‘Ferma VIP 3’, pas një nominimi të fortë “kokë më kokë” me Mimoza Ahmetin, ka lënë pas një gjendje tensioni të lartë brenda shtëpisë.

Një nga incidentet më të bujshme ishte ai i shkaktuar nga partnerja e tij, Ola, e cila iu drejtua me fjalor ofendues moderatores Arbana Osmani gjatë Prime-t. Një veprim që nxiti debatin rreth etikës.

Sot, pas gjithë situatave të rënda, Adioni ka vendosur të thyejë heshtjen për herë të parë. Ai ka zgjedhur llogarinë e tij zyrtare në Instagram për të bërë një thirrje publike dhe për të shprehur mbështetjen e tij ndaj partneres.

Nëpërmjet Instastory, ish-konkurrenti ka rishpërndarë një video nga një faqe fansash. Në video shfaqet Ola, mjaft e prekur dhe me lot në sy.

“Shikoni ça i keni bo çikës” dhe “Çika jone, qendro e forte”, janë shkrimet që shoqërojnë videon.

Ky reagim i parë i Adionit tregon se pas eliminimit, ai po e ndjek me vëmendje rrugëtimin e Olës.